۳۳ ایل اول لاچین‌دا شهادته اوجالان آذربایجانین ملی قهرمانی، ایلک شهید قادین ژورنالیست سالاتین عسگرووانین دوغوم گونودور.

Kult.az ملی قهرمان حاق‌دا معلوماتلاری تقدیم ائدیر:

- سالاتین عسگرووا ۱۹۶۱-جی ایلده باکی شهرینده آنادان اولوب.

- او، اورتا مکتبی ۱۹۷۹-جو ایلده م.مشفیق آدینا ۱۸ سایلی مکتب‌ده بیتیریب. ۱۹۸۴-جو ایلده ایسه آذربایجان نفت و کیمیا اینستیتوتون‌دا گئوفیزیکا اوزره مهندس اختصاسینا ییلنیب.

- لاکین ژورنالیستیکایا اولان ماراغی اونو تمامیله فرق‌لی ساحه‌یه گتیریر. ۱۹۸۴-جو ایلده مقاویله ایله "باکی" قزئتین‌ده ایشله‌مه‌یه باشلاییر. مختلف موضوع‌لاردا یازان، خصوصیله ده آذربایجانین بوتؤولویو، قاراباغ پروبلمی کیمی مسئله‌لره توخونان عسگرووا اؤز امضاسینی تئزلیکله اؤلکه‌ده تانیتدیرماغی باجاریر.

- او، ۱۹۸۸-جی ایلده‌ن فعالیتینی آذربایجان کومسومول تشکیلاتینین روس دیل‌لی نشری "مولودیوژ آذربایدجانا" قزئتین‌ده داوام ائتدیریر. بورادا فعالیته باشلایان‌دان سونرا سالاتین عسگرووا قاراباغا تئز-تئز اعزامیته یول‌لانیر.

- قاراباغ‌دا اعزامیتده اولارکه‌ن روس ظابطینین ماشینی ایله ارمنیلر یاشایان کندلره گئده‌رک اهالینی تحریکلره اویماماغا و باریشیغا چاغیریردی. محض بونا گؤره ارمنیلر اونو اؤلدورمک ایستییردی.

- عسگرووا ۱۹۹۱-جی ایل یانوارین ۹-دا سووئت حربچیلرینین موشایعتی ایله لاچیندان شوشایا دوغرو حرکت ائد‌ن آوتومبیل‌ده ارمنی یاراقلیلارینین قوردوغو پوسقویا دوشه‌رک آلدیغی گوله یارالاریندان دنیاسینی دییشیب.

- اؤلومون‌دن سونرا باکی‌دا شهیدلر خیابانین‌دا دفن اولونوب. ۱۹۹۲-جی ایلده ایسه آذربایجان پرزیدنتینین فرمانی ایله ملی قهرمان آدینا لاییق گؤرولوب.

- سالاتین عسگرووانین شهید اولدوغو یئرین یاخینلیغین‌داکی کنده سالاتینکند آدی وئریلیب.