آذربایجان ملی خالچا موزئیینده «آذربایجان خالچاسینین احتشامی. صفوی دورو خزینه‌سی» سرگیسی آچیلاجاق.

Kult.az -این معلوماتینا گؤره، سرگیده آمریکا وطنداشی امیر اوسکوئی‌نین کولکسیاسین‌دان ۱۷-جی-۱۸-جی عصرلره عاید ۱۴ اونیکال خالچا و بدیعی تیکمه، بونونلا یاناشی، ۱۶-جی عصرده چکیلمیش مینیاتورلار نمایش اولوناجاق.

صنعت اثرلری سیراسیندا دنیاجا مشهور «افشان»، «قوجا»، «ختایی» («اژداهالی») کومپوزیسیالی سارای خالی‌لاری خصوصی یئر آلاجاق.

خاطرلاداق کی، صفویلر حاکمیتی زمانی آذربایجان‌دا اوریژینال بدیعی قورولوشا مالک بو جور نفیس خالیلارین استحصالی گئنیش‌لنیر، خالچاچی‌لیق صنعتی اؤز چیچکله‌نمه دورونو یاشاییردی. همین واخت شیروان، قاراباغ، باکی، قوبا کیمی توخوجولوق مرکزلرینده حاضرلانان خالچالارین اؤلچولری بؤیویوردو. خالق صنعتکارلارینین یاراتدیغی نمونه‌لرده تبریز خالی‌لارینی بزه‌یه‌ن ایسلیمی، ختایی، بولود، اژداها، سیمورق، حیات آغاجی کیمی تصویر و المنتلر قیسماً دییشدیریله‌رک عکس اولونوردو.

آذربایجان‌دا استحصال ائدیله‌ن اونیکال خالچالار کیفیتینه و بدیعی خصوصیتلرینه گؤره دنیادا دایم یوکسک دیرلندیریلیب. غربین یوکسک زوق‌لو اصیل‌زاده‌لری عصرلر بویو خالقیمیزین یاراتدیغی اسرار انگیز خالچالاری توپلاییر، اونلارلا سارایلاری، مالکانه‌لری، دینی عابده‌لری بزه‌ییردیلر. دونیانین بیر چوخ مشهور موزئیلرینده و شخصی کولکسیالاردا قورونان آذربایجان دکوراتیو-تطبیقی صنعت نمونه‌لرینه، او جمله‌دن ۱۷-جی-۱۸-جی عصرلره عایید خالچالارا بو گون ده بؤیوک ماراق گؤستریلیر.

قید ائدک کی، ۲۴ دکابر ۱۹:۰۰-د آچیلان سرگی ۱۰ مای ۲۰۲۵-جی ایل تاریخینه‌دک داوام ائد‌جک.