بو گون گونئی آذربایجانلی سیاستچی، دراماتورگ، ادبیات‌شناس، تدقیقاتچی و یازیچی میرزه ابراهیم‌اوون آنیم گونودور.

Kult.az خبر وئریر کی، میرزه اژدر اوغلو ایبراهیم‌اوو ۱۹۱۱-جی ایل اوکتیابرین ۲۸-ده گونئی آذربایجانین سراب شهرینده آنادان اولوب.

۱۹۱۸-جی ایلده عائله‌سی ایله بیرلیک‌ده باکی‌یا کؤچوب. ۱۹۲۶-۱۹۳۰-جی ایللرده بالاخانی فابریک-زاوود مکتبینده اوخویوب و ایشله‌ییب. بدیعی یارادیجیلیغا زابرات فهله ادبیات درنه‌یینین عضولویو ایله باشلاییب. آذربایجان دولت علمی-تدقیقات انستیتونون ایکی ایللیک حاضرلیق شعبه‌سینده تحصل آلیب. ۱۹۳۵-۱۹۳۷-جی ایللرده س.س.ر.ی علملر آکادمییاسینین پطربورگداکی شرق‌شوناسلیق انستوتونون آسپیرانتوراسیندا تحصیلینی داوام ائتدیریب.

۱۹۳۰-جو ایلده ایلک شعیری اولان «قازیلان بوروق» «آپریل آلوولاری» مجموعه‌سینده درج اولونوب. او، ایلک پوبلیسیست مقاله‌لرینی، حکایه و اوچئرکلرینی ده ۳۰-جو ایللرده قلمه آلیب.

۱۹۴۵-جی ایلده آذربایجان علملر آکادمییاسی تاسیس اولوندوقدان سونرا میرزه ایبراهیم‌اوو آکادمییا سئچیلن ۱۵ حقیقی عضودن بیری اولوب. ۱۹۴۲-جی ایلده آذربایجان س.س.ر معاریف ناظری و.م.ف آخونداوو آدینا آذربایجان دولت اوپرا و بالت تئاترینین دیرکتورو وظیفه‌سینه تعیین ائدیلیب.

گونئی آذربایجان‌دا اولارکن ۱۹۴۱-جی ایلده «وطن یولوندا» غزئتی‌نین دیرکتورو وظیفه‌سینده چالیشیب. ایکینجی دنیا محاربه‌سی ایللرینده ۴۱۶ دیویزییا ترکیبینده دؤیوشلرده اشتیراک ائدیب. بو دؤورده قلمه آلدیغی اثرلرله آذربایجان دراماتورگییاسینی زنگینلشدیریب.

میر­زه ایبراهیم‌اوو دیل موضوع­سو­نو چوخ ج­دی آراش­دی­ریب و اؤز ف­کر­لری­نی آچیق بیر شه­کیل­ده ب­یان ائدیب. اونون دیل حاق­قین­دا فکر­ل­ری ان دول­غون شهکیل­ده ۱۹۴۳-جو ایل­ده یاز­دی­غی «دی­لی­می­زین ان­کشاف یول­لا­ری حاق­قین­دا» مقا­له‌­سین­ده اؤز عک­سی­نی تا­پیب.

۱۹۵۶-جی ایلده آذربایجان س.س.ر عالی سووئتینین صدری اولدووقدان سونرا «کمونیست» غزئتینده درج ائتدیردیی «آذربایجان دیلی دولت اداره‌لرینده» آدلی مقاله‌سینده جسارت طلب ائد‌ن چوخ جدی مسئله‌لردن بحث اولونوب.

عمرونون آخیرینادک آذربایجان علملر آکادمییاسی نظامی آدینا ادبیات اینستیتوتونون جنوبی آذربایجان ادبیاتی شعبه‌سینین مدیری، چوخ‌جیلدلیک «آذربایجان ادبیاتی تاریخینین» رداکسییا هیئتینین عضوو اولوب.

میرزه ابراهیم‌اوو ۱۹۹۳-جو ایل دکابرین ۱۷-ده باکی‌دا وفات ائدیب و فخری خیابان‌دا دفن اولونوب.

اونون اثرلری آراسیندا ۱۹۴۵-۴۶-جی ایللرده گونئی آذربایجاندا قورولموش یلی حکومتین باش پروکورورو فریدون ابراهیمی‌نین حیاتیندان بحث ائد‌ن "گله‌جک گون" رومانی خصوصی اهمیته مالک‌دیر.