ایندی دونیانین سوسیال برابرلیینی تعمین ائتمک اوچون بیر چوخ جدی سندلرین اساس بندلرینده، توپلانتیلارین گوندلیینده قادینین گوجلندیریلمهسی، یئتکیلی ائدیلمهسی (woman empowernment) ایفادهسینی گؤره بیلریک. بو خط طلب اولاراق اکثر بؤیوک کومرسییا شیرکتلرینین کورپوراتیو سوسیال مسولیت پلانینا دا داخیل ائدیلیر. شیرکتسن، گوجلوسن، او زامان مؤوجود اولدوغون اورتامدا قادینی ضعیف اولماقدان خلاص ائت.
من نینکی اکثر کیشیلرین، عینی زاماندا بؤیوک چوخلوقدا قادینلارین بو ایفادهدن قیجیقلاندیغینی، اونو لازیمسیز حساب ائتدیینی بیلیرم. "قادینی گوجلندیر، اونا سلاحیت وئر" سؤزونو دئین کیمی کیشیلر "داها نه ایستییرسیز، هر شییمیزی آلمیسیز، شالوار دا گیینیرسیز" و س. کیمی بسیط فیکیرلر سسلندیریر، قادینلار ایسه فئمینیزمدن ان آز دوغال حقوقلاریندان خبرسیز اولدوقلاری قدر اوزاق دوردوقلارینی بوروزه وئریرلر. و اینانین، بعضا من کیشی حقوقلارینین مدافعهسی تشکیلاتی یاراتماغا حاضر قادینلار دا گؤرورم. اونلارین کیشی تعصوب کئشلیینی یاریمچیقلیق، ساوادسیزلیق، یاخود ائله محض قارشی جینسین پسیخولوژی تأثیری نتیجهسینده زنجیرلی دوشونجه نومونهسی کیمی دیرلهندیریرم. اولا بیلمز کی، بو گون قادینلار گوجلو اولسون، چتینلیک تامامیله آرادان قالخسین. قادینین کیفایت قدر گوجه صاحب اولدوغونو دوشونهنلر اونون نه زامان سسوئرمه، املاک، واریسلیک حقوقونا ییلندییندن معلوماتسیزدی. علمین و تئکنیکانین اینکیشاف ائتدیی، بیرینجی دونیا محاربهسینین باشلاییب-بیتدیی اورتامدا قادین هله ده یاشادیغی مکانین سیاسی قرارلارینا تأثیر ائدجک گوجده دئییلدی. و تسووور ائدین، بیر چوخ اینکیشاف ائتمیش اؤلکهده آداملار سئکسوال اینقیلاب مؤوضوسونون موذاکیرهسینه قادینا سسوئرمه و آزاد دوشونمه ایمکانی وئرمزدن قاباق باشلاییب. قادین یوز دئییل، مین دئییل، میلیونلارلا ایلین فیزیکی و معنوی آسیلیلیغیندان هئچ بیر عصر دئییل کاغیذ اوزرینده قورتولوب. اونون بو قیسا زامان کسیینده آرتیق لازیمی گوجه صاحب اولدوغونو دوشونمک عقلی کورلوق، کاسادلیقدی. اصلینده، ایندی مقصدیم تکجه بونلاردان بحث ائتمک دئییل. داها دوغروسو، بونلاری بیر یازیچی قادین سیماسیندا ایفاده ائتمک آرزوسوندایام. اؤرنییم ویرجینییا وولفدور. وولف (ل حرفی اینجه تلفوظ اولونمور) یازیچی-پوبلیسیست آتا، آکتریسا آنانین قیزیدیر. آتانین شؤهرتی و یاخشی مادی تأمیناتی وار. ویرجینییا تئز-تئز ائولرینده جمعیتین مشهور آداملاری ایله گؤروشسه ده، اونلارین بسیتلیکلریندن قیجیقلانیر، مودریکلیکدن اوزاقدا دوردوقلارینی آنلاییر. وارلی و ضیالی عائلهده دوغولسا دا، اونون یئنییئتمهلیک، ایلک گنجلیک دؤورو قادینین آلی تحصیل آلا بیلمدیی دؤوره دوشور. قیزلار اره گئتمه کورسلارینا گئدیر، تیکیش تیکمک، گلهجک حیات یولداشینی ممنون ائتمک اوچون پیانو چالماق، رقص ائتمک اؤیرهنیرلر. کئمبریج قاپیلارینی قیزلارا آچماماقدا ایسرارلیدی، جمعیتده "قادین یادلار آراسیندا علم اؤیرهنمهیه گئده بیلمز، چوخ ایستییرسه، ائیبی یوخ، معلم بیزه ائوه گلر" فیکری حاکمدیر. بوتون مانعهلره رغمهن، ویرجینییا درین موتالیهسی و علمه سئوگیسی سببیندن کئیفیتلی ائو تحصیلی آلیر. اون اوچ یاشیندا آناسی، ۱۹۰۴-جو ایلده آتاسی دونیاسینی دییشیر. ایلک دفعه آناسینین یوخلوغوندان سونرا اوزلشدیی معنوی تکلیک، داخیلی چکیشمهسی بئینینی عصیانا سوروکلییر. قیز شیزوفرئنیک اسب سارسینتیسی کئچیریر. لاکین اونون معنوی دوشوشونون باشقا سببی ده وار: ویرجینییا و باجیسی وانئسسا اؤگئی قارداشلارینین جینسی ایستیینین قوربانی اولور. حیاتینین بو دؤنهمی دئتاللارلا ایزلهنمهسه ده، بو زده اؤمرونون سونونا قدر اونونلا برابر اولور.
آتاسینین اؤلوموندن سونرا کؤچدوکلری یئنی مکاندا ویرجینییا مشهور اینتئللئکتوال بلومسبئری بیرلیینه داخیل اولور، ائله اوراداجا گؤزللیگی ایله بیر چوخ کیشینین دقتینی چکیر. هر موناسیبتینین سونونا یاخین ویرجینییا معنوی و عقلی سارسینتیلار کئچیرسه ده، اوتوز یاشیندا اونا دوز ایگیرمی ایل حضورلو حیات یاشادان آداملا عائله قورور. بوردا بیز اینتیهار آنینا قدر یازماغا داوام ائدن قادینین گوجلندیریلمهسینه دقت ائدک. لئونارد وولفلا ائولی اولدوغو مدتده ۵۰۰-دن چوخ تکجه ائسسئ یازان ویرجینییا محض حیات یولداشی، بیر کیشی طرفیندن دیرلندیریلدیی اوچون اؤزونو یئنیدن دوغا بیلیر. میشت قایغیلاریندان آزاد اولان ویرجینییانین یازمادیغی تک گون بئله یوخ ایدی. بزهن او، یازینی بیتیرممیش ائوینین قاپیسیندا تئزلیکله سون نقطهسی قویولاجاق ائسسئنی نشریاتا آپارماق اوچون پوچتالیون گؤزلییردی.
محض اری اونون داخیلی گوجونو آلوولاندیریب، آدینی یاشادیغیمیز گونه قدر داشیماقدا واسطهچی اولدو. لئونارد وولف اولماسا، ویرجینییا اونو آنلامایان آلاچی کیشیلرین قوربانینا چئوریلهجک، یوخولوشو سرعتلنهجکدی. منبعلر دئییر اوغورسوز موناسیبتلرینین سونو یاخینلاشاندا ویرجینییا تشویش کئچیریر، پسیخی توتمالاری باشلاییردی. اری لئوناردین سیماسیندا ایسه اونو هئچ بیر حالیندا، هئچ واخت ترک ائتمهیهجک پارتنیور (طرفداش) تاپمیشدی. ویرجینییانی گوجلندیردیی، یاشاتدیغی اوچون اونا بورجلویوق. وولف، آتام اؤلمهسه، هئچ واخت یازماغا جسارت ائتمزدیم دئییردی. بو، اونون اوزون زامان گوجلو آتانین معنوی زنجیرینده قالماسینین ایفادهسیدی. هرترفلی حؤکمران آتا قیزینی اؤزگووهنسیز، ازیک بؤیودوردو. بئلهلیکله، ویرجینییانین یازیچی کیمی ایلک آددیملاری آتاسینین فیزیکی اؤلومو ایله باشلادی. آتاسینین اؤلومو اونو آناسینین اؤلوموندن داها چوخ سارسیتدی. قیز ساغلیغیندا آتاسینی لازیمی قدر سئومدیینین، آنلامادیغینین آجیسینی یاشاییردی. اینسانلار پیس موناسیبتده اولدوقلاری دوغمالارینین اؤلومونو یاخشی موناسیبتده اولدوقلاری آداملارین اؤلوموندن پیس کئچیریرلر، علم بئله دئییر.
ویرجینییا وولف بیر قادین، بیر نسر اوستاسی اولاراق آوروپانین دیریدی. بو دیر نینکی بیزیم اؤلکهمیزده، ائلجه ده روسییا داخیل، بوتون شرقده لازیمی قدر تانینمیر. مکان اولاراق بیزه یاخین اینسانلار چوخ زامان اونون آدینی و ایدهآللارینی عادت ائتدیکلری دیرلره یاماق کیمی گؤرورلر. هالبوکی، وولفون سیماسیندا قادین گوجونون فورمالاشماسی نومونهسینی گؤرهرک، سوسیال برابرسیزلیگی قیسمهن آرادان قالدیرا بیلریک. یوخاریدا سادالادیقلاریما بیر ده باخاق. وولف آتاسینین معنوی، اؤگئی قارداشینین جینسی زربهلری ایله بؤیویور، دوشدویو ضیالی اورتام اونو قادین اولاراق اؤزونو گووهنده هیسس ائتمهیه قویمور، نئجه وار ائله ایفاده ائتسک، قادینی دلی ائدیر، حیات یولداشی ایسه اوزون مدت اونون عقلی پوزوقلوغونو آرادان قالدیرماغی باجاریر. اریندن و ان یاخینلاریندان باشقا ویرجینییانین پسیخی دولاشیغیندان کیمسه خبر توتمور. ار وولف قرارا آلیر کی، آروادینی ساغالتماق اوچون یاخشی قیدا، قایغی و یازماسی اوچون شرایط یاراتماق لازیمدیر. او، حاقلی اولاراق ویرجینییانین قورتولوشونو یازماقدا گؤرور. یازیچی وولفون ائسسئلری - قادین گوجو، سوسیال برابرسیزلیکدن سؤز آچان یازیلار چوخالدیقجا اونلاری چاپ ائلمهیهن ناشیرلر (کیشیلر) ده آرتیر، اوندا ار نشریات آچاراق حیات یولداشینی مؤوضو محدودیتی زنجیریندن خلاص ائدیر.
وولفو عادی ایستاتیستیک آمئریکا کیشیسی، آسییا و آوروپا کیشیسی بلکه ده عینی درجهده، عینی قدرده اوخومور. وولفو مارکئس کیمی کیشیلر اوخویور و یارادیجیلیقلارینین تکانوئریجی قوهسی ساییر. وولف "یازیچی قادین و کیشی باشلانغیجینی بیرلشدیرهرک یازماغا باشلاییر" دئییر، هامیدان، بوتون ائرککلردن هر ایشده بو موناسیبتی اوموردو. وولف فئمینیست قادین، یئنیلیکچی یازیچی اولاراق سئویملی اوبرازیمدیر.
قادینلا کیشی دیالوقو بشریتین ان قدیم دیالوقودو. قادینلا کیشینین اوغورلو دیالوقو نه قدر آنلاشمازلیغین چؤزومو دئمکدی. ویرجینییا و لئونارد وولفلار شوبههسیز، بو یولدا چالیشان ان فداکار اینسانلارداندیرلار.
ایندی، اوتوز یاشی کئچهن واختیمدا اؤزومو فئمینیست کیمی هیسس ائدیرهم. فئمینیستلیین اعترافی اؤزونو یانلیش آنلاتماق قورخوسونون یوخا چیخدیغی زامان یارانیر. من یانلیش آنلاشیلاجاغیمدان قورخمورام. نیی مدافعه ائتدییمی دقیق بیلیرم. اؤزگووهنیمی آرتیران، منه دیرلی اولدوغومو گؤسترهن بوتون قادینلارا، کیشیلره میننتدارام. بزهن کیشیلرله چتینلیگی اولان، عکس جینس طرفیندن سئویلمهیهن قادینلارین فئمینیست اولدوقلارینی دئییرلر. منسه، موشاهیدهلریم و راستلاشدیقلاریم، ائلجه ده شخصی نومونهمله آیری قناعتدهیهم. عکسینه، فئمینیست قادین اوغورلو کیشیلرله راستلاشیب یئترینجه گوجلنمیش بیریدیر. او، گوجلو و آزاد فرد کیمی یاشاماغین دادینی بیلیر، باشقا همجینسلرینین بو سادتی یاشاماسینا چالیشیر. کیشی تسسوبکئشلیگی چکمیین ترکیبینده ایسه عکس جینسه یارینماق، بینیلمک، اونلار طرفیندن تدقیر اولونماق ایستیی گؤرونور.
من قادینلاری اونلارا دیر وئرهن کیشی ایله بیرگه گوجلنمیش، فئمینیست و آزاد گؤرمیی آرزولاییرام.
