اؤزومو غیری-ایختیاری یئرده دیزلری اوسته چؤکوب هیجانلا گؤزله‌ین شکیلده تاپدیم. اللریم بیر-بیرینه کیلیدلنمیشدی، سانکی تانری قاپی‌سیندا سون بیر اومیدله یالواریردیم. گؤزلریم باخدیغی یئردن باشقا هر شئیی گؤرور و قبول ائدیردی.

سولومدا ایلشه‌ن دوستومون گؤزلرینده سانکی ایللرین یورغونلوغو، حسرتی، اینتیظاری واردی. قاراباغیمیزین بیر پارچاسی اولان جبراییل و فضولینین ایشغالینین ۲۴-جو ایلدؤنومونده «قاراباغ»این مؤحتشم قلبه‌سینه جمعی ۲۴ ثانییه قالمیشدی. هر آنی بیر خالقین دویغولارینی آلت-اوست ائد‌ن، بیر خالقین سئوینجهینی تهدید ائد‌ن، بیر خالقین آرزوسونو الیندن آلا بیله‌جک ۲۴ ثانییه. هانسی کی، بو آن آنلامیردیق واختی نئجه اؤلچه بیلریک. زامان دورمامیشدی هرچند. دورا دا بیلمزدی، آنجاق سؤزسوز کی، دونیا گونشین یوخ، بوتؤو بیر خالقین باشینا فیرلانیردی.

هر کس ائله بیر حیسسین آرخاسینجا گئدیردی کی، مین ایللر عرضینده هئچ بیر اینانج، فیکیر، قوروم بو حیسسین وئردیی بیرلیگی تلقین ائتممیشدی. خالقین کومانداسی «قاراباغ» ظفرین جمعی ۲۴ آنیندا ایدی. اوللر دوست و قارداش اؤلکه‌نین کلوبلارینین اویونلاریندا کئچیردییمیز حیسلری ایندی دوغما «قاراباغ»ایمیز بیزه یاشادیردی. همین آن «کؤهله‌ن آتلیلار» میداندا ۱۱ نفرلیک بیر کوماندادان داها چوخ ۵۰ میلیونلوق نهنگ بیر خالق کیمی گلیردی گؤزومه. هر قاریشی اوغروندا موباریزه گئدن مئیدانچا ایسه قاراباغلیلارین قاپیسی قارشی‌سیندا قورخولو بیر مؤقعیه چئوریلمیشدی. توپون قاپیمیزا یاخینلاشدیغی هر ثانییه ایچیمیزدن بیر سس «یوخ» دئییردی. هامیلیقلا گؤزوموز میدانداکی ۲۲ نفردن چوخ ساری گئییم‌لی، الینده‌کی فیتله بیزی آرزولادیغیمیز قلبه‌یه چاتدیراجاق همین شخصه یؤنلمیشدی. توپ هاوادا اولارکن سسله نن فیت سسی، کؤرپه ایکن بیزی شیرین یوخویا قرق ائد‌ن آنا لایلاسی قدر دوغما، مؤحتشم صحنهلرده تاماشاچی لاری والئه ائد‌ن موسیقی لر قدر اعجارکار تأثیر باغیشلادی یقین کی هر کسه. فینال فیتیندن سونرا میداندا هؤنکور-هؤنکور آغلایان رقیب اویونچولارینین گؤز یاشلاری بیزی سئویندیرمه‌سه ده، قوربان قوربانووون گؤز یاشلاری ائکران باشیندا گؤزله‌یه‌ن میلیونلاری سئوینج حیسسی ایله بوغماغا، هر دفعه قورساغیمیزدا قالان آرزولارین اوزینی دفعه‌لرله چیخماغا کیفایت ائتدی. مئیدانچادا ساغا-سولا قاچان اویونچولاریمیزی کؤکسوموزده عینی حرکتی اینانیلماز بیر سرعتله تکرار ائد‌ن قلبیمیز اوللر یاشانمامیش، تکرارولونماز حیسلرله موشاییت ائدیردی.

«قاراباغ» فوتبول کلوبو بیزه یاشامادیغیمیز، بیلمدییمیز ائله بیر آن یاشاتدی کی، خالق اولاراق بونو بیزه یالنیز کلوبوموزون داها بؤیوک اوغورو اونوتدورا بیلر.

آذربایجان‌دا هر کس اینانمیشدی قلبه‌یه و بو قلبه‌نی بیزه هدییه ائتدیین اوچون «قاراباغ»آ تشککورلر!