ننم دئییردی، او گون کی قارغالار سرچه‌لردن چوخ اولدو، آجلیق علامتیدی. سونرا کیمسه دئدی، یوخسا اوخودوم - یادیمدا دئییل، - کی، قارغالار چؤلده یئم تاپمایاندا، داراشیرلار شهره.

قارغانی چوخدان تانیییرام. مثللردن، حیکمتلی سؤزلردن، ناغیللاردان: «فیلان یئرده آلا قارغا بالا چیخارماز»، «آلا قارغا گؤروندو، قار یاغاجاق»، «قارغا «قا» دئیینجه...»

هه، قارغانین آلاسی، قاراسی، اؤز دیلی وار. دیل دئییل، دوغروسو، سسدی. سسی وار، سؤزو یوخ. دانیشیر، اما هئچ نه دئمیر.

ائلچین شیخلینین «ساحل‌ده قارغا» مقاله‌سینی اوخوموشدوم، سونرا قارغالارین چوخلوغونو موشاهیده ائتدیم، ننه‌مین سؤزو دوشدو یادیما.

ساحل‌ده‌کی قارغا ننه‌مین دئدیی قارغادی. دیلیندن اوچوب...

قاغاییلاری الله قارغیدی، ساحله حاکم قارغادی.

دئییر، فیلانکس اوچانلارلا سورونه‌نلری بیر مکتبه ییغیب، گزمک اؤیره‌دیر.

قارغایا باخ، گلیب قاغایینین یئرین توتوب، بالیق یئییر.

ایکی مسئله وار. بیرینجی‌سی، ننه‌م دئیه‌ن‌دی، چؤل‌ده یئم یوخدو. قارغالار مجبور قاغاییلاشیر.

ترانسفورماسییا - قارغا قاغایییا چئویریلیر.

من قوشباز دئییلم، باشقا شئی دئییرم. بو، آرتیق ایکینجی مسئله‌دی.

بیلیرم، چؤل اکیلمیرسه، قارغالار قاغایی اولاجاق. یوسیف پیغمبر کیمی آدامام، دئیرم، تداروک گؤرک، بلا گله‌جک، اما دئمیرم.

قارغالار قاغایی اولوب ساحلده. – نیه اوخشاییر بو؟ فیکیر وئرین، نئجه اوست-اوسته دوشور. جمعیتین آغریسی دا، قوشو دا اؤزو کیمیدی.

بوش یئره اوزادیرام، یازی چوخدان بیتیب. عاریفه بیر هیم بس ائدر.

لاپ قارغا دیلینده یازدیم...