تبریزلی علی ۱۹۸۰-جی ایلده تهران‌دا چاپ اتدیردیی «دیل و ادبیات» کیتابین‌دا حاقلی اولاراق یازمیشدیر: «بیر میللت گرک نیه و ندن اؤزونو اونودوب قونشو اومیدینه یاشاسین و یا اؤز دیلی اولا-اولا اؤزگه دیلینی اؤزونه قابلاشدیرسین. بونلاردان باشقا بو قدر تجروبه، بو قدر آجی-آجی سیناقلار، بو قدر تاریخلر بویو اداوت ایله یاشاماقلار بو زاتیقیریغی تانیماق اوچون بس دییلمیش. بونلار بیزی قویون کیمی الده‌ن-اله کچیریبلر. فارس شاهی بیزی تحویل وریب فارس وزیرینه، فارس وزیری قاچیب، بیزی تحویل وریب فارس ملاسینا و فارس آخوندو دا اولا بیلر کی، بیزی تحویل ورسین فارس چریکینه و هابله او بونا، بو اونا. چونکی بونلاری آیری الله یارادیبدیر».

«قران»ین ۹۰-جی سوره‌سینین ۹-جو آیه سین‌ده دییلیر:
«بیز (دانیشماق اوچون) اینسانا دیل، ایکی دوداق ورمدیکمی؟» (قرانی-کریم، تهران، ۱۳۵۴، س.۹۳۴). الله-تعالی اینسانا دانیشماق اوچون بیر دیل، ایکی دوداق وریب‌دیرسه، نه اوچون ۳۵ میلیونلوق آذربایجان‌لی اؤز آنا دیلین‌ده یازیب. اوخوماق، دانیشماقدان محرومدور. «قران»دا دییلمیر کی، اینسانا بیر دیل، ایکی دوداق ورمیشم کی، مجبوری اولاراق فارس دیلینده دانیش‌سین. محمد پیغمبرین آنا دیلی عرب دیلی اولدوغو اوچون الله-تعالی طرفین‌دن قرانی-کریم عجم دیلینده، حتی فارس دیلینده دییل، عرب دیلینده نازیل اولدو.

بو باره‌ده قرانی-کریمین «مریم» سورسینین (۱۹-جو سوره) ۹۷-جی آیه سین‌ده دییلیر: «بیز قوران حقیقتلرینی یالنیز سنین دیلینده آسانلاشدیردیق کی، دوشمه‌نلری اللهین عذابین‌دان قورخوداسان» (قرانی-کریم، تهران، ۱۳۵۴، س. ۴۶۰) و یا ۴۴-جو سوره‌نین ۵۸جی آیه سین‌ده دییلیر:

«بو قرانی سنین دیلینده آسانلاشدیردیق کی، اونون حقیقتلرینی درک اتسینلر» (قرانی-کریم، تهران، ۱۳۵۴، س. ۷۶۹). همچینین قورانین ۱۶-جی سوره‌سینین ۱۰۳-جو آیه سین‌ده دییلیر: «بیزه تام آیدیندیر (کافیرلر) دییرلر کی، قرانین محتواسینی پیغمبره بشر اؤولادی اؤیره‌دیر. حالبوکی، او بشرین دیلی عجمیدیر و بو قران تام آیدین عرب دیلینده‌دیر». باشقا سؤزله بیر یره الله-تعالینین بیر پیغمبر گؤندردیی قید ادیلیر. قرانی-کریمین ۱۳-جو سوره‌سینین ۴-جو آیه سین‌ده دییلیر: «بیز اتنیک قروپ آراسینا هچ بیر پیغمبر گؤندرمدیک، یالنیز او اتنیک قروپون دیلینده (پیغمبر گؤندردیک) کی، معاریف و الله احکاملارینی اونلارا بیان اتمیش اولسون» (قرانی-کریم، تهران، ۱۳۵۴، س. ۳۶۹).

دملی، الله-تعالی هر بیر اینسان کوتله‌سینین اؤز دیلین‌ده اونا پیغمبر تعیین ادیب و مقدس کیتاب گؤندرمیشدیر. حضرتی-محمد ده عرب دیللی طایفهلارا پیغمبر تعیین ادیلیب. قران عرب دیلینده، عربلرین اؤز آنا دیللرینده نازیل اولموشدور.

سییداغا اونوللاهی تاریخ علملری دوکتورو، پرفسور

گونی آذربایجان: تاریخی، سیاسی و کولتورولوژی موستویده. باکی، آذرنشر، ۲۰۱۰، ۱۷۲ سه.,

(صحیفه ۱۱-۱۲)