اولی بورادا

ایران چشیدلی ائتنیک قروپلارین یاشادیغی بیر جغرافی-سیاسی بؤلگه اولماسینا رغما، فارس کیملیگی ایله برابر توتولان آنلام ایفاده اتمیش‌دیر. فارس دیلی تاریخ بویو کولتورولوژی سیاستین حیاتا کچیریلدیی دیل اولموشدور.

بحث اولونان دوروم ایران کولتورو قاورامی ایله فارس کولتورو قاورامینی برابر آنلاملی توتموشدور. فارس دیلی مدنیت دیلی اولدوغو اوچون ایراندا بوروکراتییا، سیاست و مذهب دیلی ده اولموشدور. ایران‌دا شیعه مذهبی بیر چوخ مذهبله باغلی گؤردویو ایشلری فارس دیلین‌ده ایجرا اتدیی اوچون فارس مذهبی اولاراق دا قبول ادیلمیشدیر. ایران سیاستین‌ده فارس دیلینین تاریخی هگمونلوغو فارس کیملیینی ده هگمون اتمیش‌دیر. ایران، کیملیک مسئله‌سینده فارس مرکزلی بیر کیملییه صاحب اولموشدور.

۱۹۲۴-جو ایلده‌ن گونوموزه قدر ایراندا «رژیم ماهیتی نه اولورسا اولسون» فارس مرکزلی ایرانلیلیق سیستمیندن واز کئچممیشدیر. چونکی ۱۹۲۴-جو ایلده‌ن سونرا ایران‌دا اولوس-دؤولت پرایکتی فارس مرکزلی بیر ایران‌لی‌لیق سیستمی چرچیوه‌سین‌ده معینلشدیریلمیش‌دیر. فارس مرکزلی ایرانلیلیق دوشونجه‌سی هم پهلوی (۱۹۲۴-۱۹۷۹) هم ایسلام جمهوریتی (۱۹۷۹-) دؤنه‌مینده داوام ائتمیشدیر. پهلوی خاندانینین (۱۹۲۴-۱۹۷۹) فارس مرکزلی ایرانلیلیق کیملیک آنلاییشی شیعه‌لیگی دیشلایان و اسکی ایرانی هدف آلان بیر اولوس-دؤولت پرایکتیدی.

ایسلامی دیشلایان، فارس میللیتچیلیینی اساس آلان پهلویلرین چؤکمه‌سی ایله اسکی ایرانی هدف آلان، ایسلامی دیشلایان و قرب‌چی فارس میللیتچیلیگی ده ایفلاس ائتمیشدیر. ۱۹۷۹-جو ایل اینقیلابینین سونوجو ایسلام جمهوریتینین قورولماسی اولموشدور. ایسلام جمهوریتی اسکی ایرانی هدف آلان، ایسلامی دیشلایان و قرب‌چی فارس میللیتچیلیینه قارشی چشیدلی ساحه‌لرده موجادیله ائتمیش‌دیر. ایسلام جومهوریتی بو آنلاییشا صاحب فارس مرکزلی ایرانلیلیق کیملیینی رد ائتمیش و ایسلام تاریخینی هدف آلان غربی دیشلایان و شیعه‌لیگی اساس آلان یئنی بیر فارس مرکزلی ایرانلیلیق کیملیگی سیستمینی اورتایا قویموشدور. ایسلام جمهوریتی شیعه‌لیگی اساس آلان یئنی فارس مرکزلی ایرانلیلیق کیملیینی اورتایا آتمیشدیر.

گونی آذربایجان: تاریخی، سیاسی و کولتورولوژی موستویده. باکی، آذرنشر، ۲۰۱۰، ۱۷۲ سه.,

(سهیف ۱۸)