اولی بورادا

هر نه قدر آمریکا افغانیستان، آذربایجان، گورجوستان و عراقا یئرلشرک ایرانی هدفه آلمیش اولسا دا، اونون کئچمیس تجروبه‌لردن درس آلاراق آچیق بیر شکیلده ایرانا حربی اوپراسییا دوزه‌نلمه احتیمالی ضعیفدیر.

ایران‌دا هر نه قدر دینی بیر نظارت مکانیزمی حاکم اولسا دا، دؤورون تکنولوژی ایمکانلاری واسیطسیله خالقین موهوم بیر قیسمی چاغداش یاشام طرزینی سئچمیی بیر حاق اولاراق دوشونمکده‌دیر. بونون نتیجه‌سینده ده محافیظه کار-رفورمیست ایکی گؤروش سیخ-سیخ تهران کوچه‌لرین‌ده قارشی- قارشییا گلمکده‌دیر.

دیگر طرفدن ایسه ۱۸۱۳-جی ایلده گلستان سوله موقویله‌سی ایله آزادلیقلاری الیندن آلیناراق تورپاقلاری یاغمالانمیش گونئی آذربایجان تورکلری اؤز ایستیقلالیتینی قازانا بیلمک اوچون داها چوخ گنجینی دار آغاجلاریندا غیب ائتمیش‌دیر. بوتون بونلار اصلین‌ده آمریکانین ایران‌دا حیاتا کئچیرمک ایستدیی ساواش کونسئپسییاسی اوچون یئترلی پوتنسیال‌دیر. اونا گؤره ده آمریکا ایران‌داکی آذربایجان تورکلرین‌دن و کوردلردن ایستیفاده ائتمکدن چکینمه‌یه‌جکدیر. ایران اهالی‌سینین یاریسینی تشکیل ائد‌ن تورکلردن باشقا بئش-آلتی میلیون جیواریندا اولان کوردلرین وارلیغی سؤیله‌نمکده‌دیر. بو دوروم ایرانین ضعیف طرفیدیر. شوبهه‌سیز کی، آمریکا دییشیک سؤیله‌ملر ایله، حتی آچیق بیر شکیلده آذربایجان تورکلرینین موختلیف وعدلر وئره‌جکدیر. تورکلری و کوردلری دستکله‌یه‌رک اؤز لئهینه بیر دورومون حیاتا کئچمه‌سینه چالیشاجاقدیر. ایران‌داکی رژیمین دییشدیریلمه‌سی آمریکا اوچون اؤنملی بیر مسئله اولاراق گؤرولمکددیر، بونون اوچون واشینگتن و تل- اویو اوزون ایللردیر کی، ایلگیلرینده اولمایان گونئی آذربایجان مسئله‌سینه اییلمیشدیر. هر نه قدر بو ایلیشکیلر هله کسکین شکیل‌ده دونیا ایجتیمایتینه تقدیم ائدیلممیش اولسا دا، ایران کوردلرینین آمریکا و ایسرایل طرفین‌دن هر جور دستکلندیی بیلینمکده‌دیر. بونون نتیجه‌سینده ایرانداکی کوردلر هر گون بیر آز داها گوجلنمکددیرلر. بونون نتیجه‌سینده اونلار ساده‌جه ایران‌لیلاری دئییل، گونئی آذربایجانلیلاری دا اؤزلری اوچون پوتنسیال بیر گوج اولاراق گؤرمکددیرلر. بونون قارشی‌سینی آلا بیلمک اوچون گونئی آذربایجانلیلار اوزرینده تضییق یاراتماغا چالیشماقدادیرلار.

ایران‌دا یاشایان کوردلر گونی آذربایجانلیلارین سیخ یاشادیغی اورمییه، اردبیل، تبریز، ماکو و دیگر شهرلرده مسکونلاشاراق بو یاشاییش مسکه‌نلرینی کوردلشدیرمکددیرلر. بو موجادیله حاضردا ۳۲ پ کا کا و پژاک آدلی سلاحلی کورد قروپلاری طرفیندن حیاتا کئچیریلمک‌ده‌دیر.

گونی آذربایجان: تاریخی، سیاسی و کولتورولوژی موستویده. باکی، آذرنشر، ۲۰۱۰، ۱۷۲ سه.,

صحیفه ۳۱