اولی بورادا

گونئی آذربایجانا مخصوص اورمییه و خصوصیله ده نقده نین اون ایل اؤنجه‌یه قدر اهالی‌سینین ۹۵ %- نی تورکلر تشکیل ائدیردی. سون زامانلاردا ۳ میلیون کورد بو بؤلگه‌یه یئرلشدیریلمیشدیر. بو گون آدی چکیلن یئرلرده کورد اهالی‌سینین ۵۰ %-ی کئچدیی سؤیله‌نمکده‌دیر. (وئدات ینرئر. اورومیه و نقده کورتلئشتیریلیور، «یئنی‌چاغ» گازئتی، ۱۱ مارت ۲۰۰۵ ایستانبول / تورکیه).

دونیا آذربایجان‌لیلارینین حاقلارینی مدافعه کومیته‌سینین آچیقلاماسینا گؤره، کلبجر، قوبادلی، لاجین بؤلگه‌لرینه ۲۰۰-۵۰۰ کورد عائله‌سینین یئرلشدیریلدیی قید اولونماق‌دادیر. کامیل کریم یاندی «آزادیگان» قزئتینه یازدیغی «کامالیزم دوکترینی و تورکییه‌ده کورد ناسیونالیست حرکاتلارینین شدتله‌نمه‌سی» آدلی بیر مقاله‌ده آچیق بیر شکیلده کورد و پ کا کا ایش بیرلیگی و تورکییه علئیهدارلیغی سرگیله‌مکده‌دیر. ۲۰۰۰ – جی ایلده تهراندا پ کا کا باشچیسی عبدالله اؤجالانین «ایسلام، وطنسور کوردیستان توپلومو و منی قتل ائتمه پلانی» آدلی اثری نشر ائدیلدی. حهالبوکی، ایرانین ایشغالینداکی تورپاقلارداکی ۳۵ میلیون گونئی آذربایجان‌لیلارین کیتاب نشر ائتمه حقوقلارینی جدی یاساقلار قویولموشدور.

آنجاق پ کا کا اوچون سربست یایین حاقینین اولماسی دوشونولمه‌سی گرکه‌ن بیر دورومدور. کیتابلا یاناشی، ایرانین «آزادیگان» قزئتین‌ده تورکییه دوشمنلیینه گئنیش یئر وئریلمک‌ده‌دیر.

ایران آشکار شکیلده کوردلرین تورکییه لئیهین‌ده‌کی یایینلارینا ایزین وئرمکده‌دیر. ایشین ان آجینیناقلی طرفی ایسه ایران ایچریسین‌ده‌کی کورد اولوشومو، یا دا حرکاتلاری اسکیدن بری ایرانین اساس دوشمن قیسمینده گؤردویو آمریکا و ایسرایل طرفیندن یورودولمکده‌دیر. ایسرایل ایلک اولاراق ۱۹۶۴-جی ایلده کوردلر ایله علاقه یاراتمیشدیر. بو ایلده ایسرایلین مودافییه ناظرینین معاوینی کوردلر آراسیندا اعتبار صاحبی اولان کامران علی بدیرخان ایله گیزلی بیر شکیلده گؤروشموش و بو گؤروشمه نتیجه‌سینده بیر پشمرگه قروپونون ایسرایلده سلاحلی تعلیم آلماسی قرارا آلینمیشدیر. بو فعالیت ۱۹۶۵-جی ایلین آوقگوست آییندا باشلامیش و اوچ آی داوام ائتمیشدیر.

داها سونرا ایسرایل، گنرال تسوری ساگوی، هایم لئواکوو و آریک رئگئوید نه عراق اوردوسونا قارشی ایستیفاده ائتمیشدیر. ۱۹۷۲-جی ایلده عراق اوردوسو طرفیندن ازیلن کوردلرین ایمدادینا ایسرایلین تهران حربی آتشه سی یاکوو نیمرودی یئتیشمیشدیر. نهایت، ایران شاهی رضا پهلوی ریچارد نیکسون ایله گؤروشه‌رک کورد ترورچولاری اوچون ایسرایل و آمریکادان ۲۴ میلیون دوللارلیق بیر یاردیم آلمیشدیر («تورک سئسی» گازتی، ۳۰ ایلول ۲۰۰۴/۷ ائکیم ۲۰۰۴ ترابزون/تورکیئ).

گونی آذربایجان: تاریخی، سیاسی و کولتورولوژی موستویده. باکی، آذرنشر، ۲۰۱۰، ۱۷۲ سه.,

صحیفه ۳۲