اعتیماد ایسماییلووون قتل خبرینده دقتی چکن ایلک مقام بو ایدی: قاتیل ایکی گوله باشینا، بیر گولله اوریینه ووروب.

بو، اسبین، حیکه‌نین، موباحثه‌نین نتیجه‌سی دئییل؛ بو، کیلرلیکدیر، دوشونولموش قتل‌دیر، چونکی قاتیل «یوخلاما آتشی» ده آچیب سانکی.

کیم ایدی اعتیماد؟

اعتیماد ایسماییلوو سیرادان بیر ایش آدامی دئییلدی و بلکه، عمومیتله، اونا ایش آدامی دئمک ده اؤزونو دوغرولتمور. اعتیماد فیکیر، دوشونجه آدامییدی، حیاتا فرق‌لی بیر باخیشی واردی و ایللر اؤنجه بیر دفعه موصاحیب اولدوغوم بو شخص حاق‌دا هله او زامان «عقلسیزجاسینا عدالتلی بیر اینسان» دئمیشدیم.

هه، اعتیماد بی عصبی، چیلغین، بیر آز دلی سوو ایدی، غرورلویدو، بو دا داخیلینده عدالتسیزلیکله باریشماماغیندان ایر‌لی گلیردی. تام فرقلی بیر اینسان ایدی – او قدر کی، اؤز ماراقلارینا ضد اولماسینا باخمایاراق، حتی جانی، تالعیی باهاسینا هئچ بیر خصوصی سبب اولمادان عدالتی مدافعه ائدیردی. ائله اونون آتاسینین یاخین آدامی ایله موباحثه‌سی ده بو «هئچ نه» اوستونده باشلامیشدی.

بدلینی بیر فرقلی فورمادا – چئلیابینسکده ۳ ایل تورمه حیاتی یاشاماقلا اؤد‌دیسه ده، یولوندان و مؤوقعین‌دن دؤنمه‌دی.

اونون کاراکترینده آدام روسییادا یاشایا بیلمزدی و یاشامادی دا. آنجاق ایستانبول دا اعتیماد بیین یئری دئییلدی.

اونو تانییانلار نه دانیشیر؟

دئییرلر، ایستانبول‌دا یانینا واختاشیری آذربایجان‌لیلار گلیردی: هانسیسا ایش، یا معالیجه اوچون گئدیب، چتینلییه دوشن‌دن توتموش پولونو سوناجان خرجله‌ییب گئری قاییدا بیلمه‌یه‌نه قدر.

دئییرلر، فلورییاداکی اوفیسینه دستک اوچون مراجعت ائد‌ن هئچ کیم ناومید قاییتمیرمیش: اعتیماد بی هر زامان گوجو چاتان دستیی گؤستریرمیش.

اینانیرام، چونکی آدامی قیسا مدت تانیما فورصتیم اولوب.

ماراقلی هم صحبت ایدی، اؤلکه‌سینی سئویردی، تورک دونیاسینا، بو ایدئولوگییایا اؤز باخیشی، یاناشماسی واردی. اگر باشقا زامان‌دا دوغولوب، باشقا موحیط‌ده یاشاسایدی، یاخشی بیر ایدئولوق دا اولا بیلردی: قارشیسینداکینا ایدئولوژی سئوگیسینی آشیلاماق گوجونده ایدی، فانات عدالتلیلیگی ایسه اونون اوبرازینی تاماملاییردی.

ایستانبول آذربایجانلیلاری نیه یئییر؟

بؤیوک مگاپولیسلر عؤمرو اودور، حیات او قدر قاینار اولور کی، اینسانلار «ایتیرلر»، «یوخا چیخیرلار» – اؤزلرینه باشلاری قاریشیر و پارلاق اینسانلار بئله کؤلگلشیر.

اعتیماد دا کؤلگلشمیشدی.

آنجاق اعتیماد بی «یاتاقدا اؤلمک اوچون» دوغولانلاردان دئییلدی – کؤلگه‌ده ایللرله قالیب، قوجالیب اؤله بیلمزدی، نئجه کی چئلیابینسکده گنجلیینی راحت باشا وورا بیلممیشدی.

تأسف کی، بو جور اؤلومویله «کؤلگه‌دن» چیخدی.

۶۶ یاشلی قاتیل-پولکوونیک

گؤزل دمیروو حاق‌دا محمود حاجییئوین آچیقلاماسی وار، چوخ مثبت خاراکتریزه ائدیب اونو. منسه گ.دمیرووون داخیلی ایشلر ناظیرلیینده ایداره ریسلیگی ایله باغلی تام فرقلی اینفورماسییالار آلمیشام.

بوردا اونلاردان بحث ائتمه‌یه و دمیرووون هانسی تیپ آدام اولدوغو باره‌ده موذاکیره آچماغا احتیاج گؤرموره‌م. ماراقلی اولان قتل سببیدیر.

دمیروو ایستینتاقا دئییب کی، ایسماییلوو شیرکتینین ۲ فایز سهمینی اونون آدینا کئچیرمه‌لی ایمیش، کئچیرمه‌ییب، او دا ائوه گئدیب، سلاحینی گؤتوروب و گلیب اؤلدوروب. دئییب، او ائتیمادی اؤلدورمسه ایمیش، اعتیماد اونو و یا عائله عضولرینی اؤلدورجکمیش.

منجه، قاتیل اعتیماد ایسماییلووون اؤزونو اؤلدوره‌ندن سونرا روحونا دا هوجوم چکیر. اگر حقیقتا اونون حاقی چاتسایدی، اعتیماد بی سهم پایینی سؤزسوز کی وئرردی – آذربایجان‌دا، باکی‌دا تانیدیغیمیز اعتیماد بی بئله بیریدی. بو ایللر عرضین‌ده ایستانبولدا دییشمیشدیمی؟

اینانماق چتیندیر. چونکی او کاراکترلی اینسانلار دییشمیر – خصوصاً، ۴۰-دان سونرا قطعی «دوزلمیرلر».

دیگر طرف‌دن، ۲ فایزلیک سهمین ۴ میلیون دوللار اولدوغو بیلدیریلیر. ایسماییلوو دوشونجه‌سینده اولان تیپلرین عادتا بوتؤو سهم پاکئتی ۲۰۰ میلیون دوللار اولان شیرکتی اولمور - اللرینین آچیقلیغی بونا ایمکان وئرمیر.

اوچونجوسو، ایسماییلوو سهمی اونون آدینا کئچیرممیشدیسه، ائوه گئدیب، سیلاحلانیب، گئری قاییدیب، ۴ میلیونا گؤره اونو دوشونولموش فورمادا اؤلدورمک ۶۶ یاشلی پولکوونیکین نیینه لازیم ایدی؟ پئشکار پلیس ایشچیسی اولموش بیر آدام تورمه‌ده اؤلمیی نیه سئچمه‌لی ایدی؟

یوخ‌سا، اعتیماد بی سیفاریش ائدیلمیشدی؟

آرتیق هر شئی گئجدیر...

اعتیماد ایسماییلوو سیفاریشلمی قتله یئتیریلیب، یوخسا دمیرووون عصبینین قوربانی اولوب – بو، آرتیق هئچ نیی دییشمیر.

دییشن اودور کی، داها بیر آذربایجانلی نؤوبتی آذربایجانلینی اؤلکه‌دن کناردا، هم ده ناموس اوسته، وطن اوسته، قان قیصاصی، غیرت اوسته یوخ، پول اوسته قتله یئتیردی.

قتله یئتیریلن هم ده فیکیر آدامیی‌دیسا، غریب ائلده آذربایجان‌لیلارین اومید چیراغییدیسا، بو، منظره‌نی بیر آز دا توندلشدیریر. دئمک، تکجه بیر ائوین چیراغی سؤنمدی، هم ده غریب ائلده یانان چیراقلاریمیزدان بیری آزالدی...