آدام اولمادان اؤنجه اینسان اولابیلمه‌نین ان تئمل عونصورودور قادین. چوخ زامانلار دئیل، هر زامان، هر گؤزون نورو، حیاتین جان داماری‌دیر. اینسانلیغین دوامی اؤچون اولمازسا اولمازدیر. ان بؤیوک دردلرین دردلیسی‌، ان بؤیوک موتلولوق‌لارین آردینداکی قهرمان‌دیر...

آدام اولمادان اؤنجه اینسان اولابیلمه‌نین ان تئمل عونصورودور قادین…

چوخ زامانلار دئیل، هر زامان، هر گؤزون نورو، حیاتین جان داماری‌دیر…

اینسانلیغین دوامی اؤچون اولمازسا اولمازدیر…

ان بؤیوک دردلرین دردلیسی‌، ان بؤیوک موتلولوق‌لارین آردینداکی قهرمان‌دیر…

قادین؛ دنیزین دیبینده‌کی اینجی، پارلاق‌لیغی ایله گؤزلری آلان یاقوت‌دور…

کیچیک شئ‌لردن موتلو اولان، موتلو اولدوغوندا دا، موتلو اولماسینا سبب اولانی اونوتمایان‌دیر قادین…

همیشه ضرر گؤرن‌دیر، آما کیمسه‌یه ضرر وئرمین اینسان‌دیر…

ذیلّته دوشن‌دیر، طالع‌سیزلرین طالع‌سیزی…

الله‌ین قادینی بیر امانت اولاراق وئردیغینی اونوتان آداملارا، آدام اولماقلارینی آنلاتان سس‌سیز آکتوردور…

شهید تابوتونا ساریلمیش گؤزو یاشلی شهید آناسیدیر…

اصلا قاتیل‌لره بؤیون ائیمه‌یه‌ن، اوشاغینی بئلینده قورتولوش ساواشینا قورشون داشییاندیر…

ان اصیل آلین تئری‌نین ان موحتشم صاحیبیدیر…

منیم بو سطیرلری یازماغیمین وسیله‌سیدیر، جانیمین ایچی، گؤزومون ببگی‌دیر…

گؤزون‌دن داملایاجاق بیر تک گؤز یاشا عؤمرومو ورجه‌ییم کیشی‌دیر…

گؤنول باغچامدا آچان رنگارنگ گول‌لرین آراسینداکی ان گؤزل چیچک‌دیر…

اینسان اولمانین وسیله‌سیدیر، حوّادیر قادین، سئوگی‌نین جان داماری امینه‌دیر، لطیفه ائش خدیجه‌دیر، بیر عیفّت عابیده‌سی مریم دیر…

قادین، هر ۸مارت دا آدینا ایستاتیسلیق‌لر توتولان، ۹مارت دا اونوتولان‌دیر!

‌یعنی قادین، آنادیر، یاردیر، قیمتی قیمت‌سیزلشدیرنلرین قارشیسیندا دیم‌دیک دوران جان‌دان اؤته جان‌دیر…

چئویرن : فاطمه غیبی