پیشه‌وری‌نین خاطیره‌سینه

تورکلر ممالک محروسه آدینا مدرن میللت‌ - دؤولت فئنومنینین گلیشمه‌سینده باشلیجا عامیل اولموشلار.

اوسته‌لیک، بونلارین ایکی چاغداش دؤولت تجروبه‌سی ده وار: شیخ محمد خیابانی و جعفر پیشه‌وری دؤولتی. اؤزه‌للیکله پیشه‌ورینین یاراتدیغی میللی حؤکومت دقیق آنلامدا سیاسالی [أمر سیاسینی] گئرچکلشدیرمیشدیر. پیشه‌وری، ’دیل/سس‘ قوْووشاغیندا دایانان سیاست تجروٍبه‌سینی تاریخی یادداشیمیزا حک ائتمیشدیر. کئشکه ستارخان آذرباجان تورکجه‌سینی هر آدلا سسله‌ییردی سسله‌سین، اونا رسمی ایستاتوس باغیشلاییردی.

او حؤکومت دیلین سؤیکندییی سیاستین تاریخی دؤنوش نؤقطه‌سی‌دیر. او سیاستین خاطیره‌سی، ایندی ده بیر گوج کیمی سیریق کیم‌لییه قارشی دیره‌نیر. بو دیره‌نیش سسدن دیله کئچیدین گئنل پلانینی دوغما دیلکلرین دوزه‌نلییینده تؤکور. فدایی‌لر دؤولتی، بیزه اؤیرتمیشدیر کی، رسمی قوروملارین یوخلوغوندا، بیلمیوردوندان توتموش ابتدایی درسلیکلرین یوکونو اؤز چیینیمیزده داشییاق.