«آذربایجان یوردوموز، تراکتور بوز قوردوموز!»
«تراکتورسازی» فوتبول کلوبو ۱۹۷۰-جی ایلده تبریز شهریندهکی تراکتور زاوودونون حمایهسی ایله یارادیلیب. یاراندیغی ایلک ایللردن اوغورلو نتیجهلر گؤسترن کلوب ۱۹۹۰-جی ایلده رومینییالی واسیلی قوجانین مشقچیلیگی دؤورونده بؤیوک ناعیلیتلر الده ائدیب. ایرانین یوکسک لیگاسینا وثیقه قازانماسی کلوب طرفدارلارینین گئنیشلهنمهسینه سبب اولوب. «تراکتورسازی» ایرانین «ان چوخ و ان جوشقون آزارکئشلری» اولان کومانداسی کیمی تانینیر. تورکییه مطبوعاتدا ایسه سؤزوگئدن کوماندا «دونیادا ان چوخ طرفداری اولان تورک کومانداسی» کیمی تقدیم ائدیلیر.
حاضردا «تراکتورسازی» کومانداسینین آزارکئشلری «بارسلونا» فوتبول کلوبونون طرفدارلاری ایله موقاییسه اولونور، «آسییانین بارسلوناسی» آدلاندیریلیر. آدیچکیلن کلوب طرفدارلارینین آذربایجان دیلینده سسلندیردیکلری شعارلار بارسلونا آزارکئشلرینین کاتالان دیلیندهکی شعارلاری ایله موقاییسه ائدیلیر. «تراکتورسازی» کومانداسی آزارکئشلرینین ان چوخ سسلندیریدیی شعارلار آشاغیداکیلاردیر:
- «یئل یاتار، توفان یاتار، یاتماز تراکتور بایراغی!»
- «آذربایجان یوردوموز، تراکترور بوز قوردوموز!»
- «یاشاسین آذربایجان!»
- «آذربایجان وار اولسون، ایستهمهیهن خار اولسون!»
- «تورک دیلینده مدرهسه، اولمالیدیر هر کسه!»
- «باکی-تبریز-آنکارا، بیز هارا، فارسلار هارا!»
کوماندانین نفوذونون آرتماسی و میللتچیلیین مرکزینه چئوریلمهسی ایرانداکی و اؤلکه خاریجیندهکی پانفارسیست و پانیرانیست دایرهلرینین ناراحاتلیغینی آرتیریب. ۲۰۱۰-جو ایلده کولوبون صاحبی ناصر شفیقینین کلو-ا آچیقلامسیندا «کلوبوموزون رسمی قیدیاتدان کئچمیش ۴۸۲ مین آزارکئشی وار» سؤزلری آدیچکیلن دایرهلرین دقتینی خصوصیله جلب ائدیب. «تراکتورسازی» طرفدارلارینین گئتدیکجه چوخالماسی، همچینین یوز مینلرله آزارکئشین کوماندانین غلبهسی و یا مغلوبیتینی آلقیش و شعارلار ایله قارشیلاماسی حاکم رژیمین باش آغریسینا چئوریلیب. کوماندا و اونون طرفدارلاری میللی تهلوکهسیزلییه تهدید کیمی دیرلندیریلیب، یارانمیش وضعیتدن چیخیش یولو کیمی کلوب اصلن خوی شهریندن اولان ناصر شفقینین الیندن آلیناراق ایسلام اینقیلابی کئشیکچیلری کورپوسونون (سپاه) یئرلی «سپاه عاشورا» کورپوسونون ایداره ائتمهسینه وئریلیب. کلوبون رهبرلیینه گتیریلن مهافیظه کار حربچیلر «تراکتورسازی»نین ضعیفلهمهسی و داغیلماسی اوچون اللریندن گلنی اسیرگهمهییبلر.
«تراکتورسازی» آزارکئشلرینین کوماندانین دیگر شهرلرده کئچیریلن اویونلارینا گئتمهسی حقوق-محافظه اورگانلارینا علاوه پروبلملر یارادیر. خصوصیله ده آدیچکیلن کوماندانین تهرانین «پرسپولیس» و «ایستیقلال» کوماندالاری ایله اویونلاری اقتدار اوچون ان بؤیوک باشاغریسینا چئوریلیر. اویونلارین کئچیریلدیی تهرانداکی ۱۰۰ مین نفر تاماشاچی توتان «آزادی» ایستادیونونون یاریسیندان چوخو «تراکتورسازی» طرفدارلاری ایله دولور. غلبه و یا مغلوبیتدن آسیلی اولمایاراق اویونون سونو کوتلوی داوا ایله بیتیر. تئهراندا کئچیریلن اویونلاردا «تراکتورسازی» کومانداسینین علیهینه سسلندیریلن ایرقچی شعارلارا طرفدارلار طرفیندن وئریلن سرت جوابلار کوماندا اطرافینداکی حساسلیغی داها دا آرتیریر. دؤولت تلویزییاسی اویونو تقریباً ۳ دقیقه گئجیکمه و ایستادیونداکی سسلری ائفیره وئرمهدن یاییملاییر. "تراکتورسازی» فوتبول کومانداسی دفعهلرله ترفدارلارینین رفتارینا گؤره جزالاندیریلیب و اویونلار تاماشاچیسیز ایستادیوندا کئچیریلیب. کوماندا ترفدارلاری ایسه بئله جزالاری بهانه کیمی خاراکتریزه ائدیر، اصل مقصدین طرفدارلارین روحونو سیندیرماق اولدوغونو بیلدیریرلر.
قئید ائدک کی، ایراندا قادینلارین ایستادیونا گیریشی قاداغاندیر. بعضا قادینلار کیشی پالتاری گئیهرک ایستادیونا داخیل اولورلار. لاکین «تراکتورسازی»نین قادین ترفدارلاری سؤزوگئدن طلبه رعایت ائدرک، ایستادیونا گئتمیرلر. تبریز ایستادیونوندا کئچیریلن اویونلاری اطرافداکی تپهلردن ایزلییرلر. بو تجروبهنین عادت حالینی آلاجاغیندان ناراحات اولان حقوق-محافظه اورقانلارینین قادینلاری تپهلردن اوزاقلاشدیرماسی کوتلوی ایغتیشاشلارلا نتیجلنیب. مینلرله قادین آزارکئش حبس اولونوب. سون ایللرده همین تپهلر تیکانلی مفتیل ایله حاسارا آلینیب.
«تراکتورسازی» فوتبول کومانداسینین طرفدارلاری آذربایجان رسپوبلیکاسینین اوغورلارینا سئوینیر، اؤلکهمیزین پروبلملرینی اؤزلرینه پروبلم حساب ائدیرلر. داغلیق قاراباغ و اطراف رایونلارین ارمنیلر طرفیندن ایشغالینا اعتراض علامتی اولاراق «قاراباغ بیزیمدیر، بیزیم اولاجاق» شعاری سسلندیریرلر. حتی اویونلار قاراباغ ایله باغلی خصوصی گونلره تصادف ائدرسه، قاراباغین آزادلیغی اوغروندا شهید اولانلارین خاطرهسی خصوصی اولاراق آنیلیر و شعارلار سسلندیریلیر.
«تراکتورسازی» فوتبول کومانداسینین آزارکئشلری ۲۰۱۶-جی ایل آپرل آیینین اولیندهکی دؤرد گونلوک دؤیوشلردن سونرا کئچیریلن ایلک اویوندا آذربایجان رسپوبلیکاسی عسگرینین شجاعتیندن روحلاناراق:
«سن چاغیرسان گلرهم من، سن یاشا، آذربایجان!
عیبی یوخدور اؤلرم من، سن یاشا، آذربایجان!
من بیلیرم وطنیمسن، سن یاشا، آذربایجان"، -شعارینی سسلندیرمیشلر. سؤزوگدن شعار موختلیف اویونلاردا تکرارلانیر.
کوماندانین آزارکئشلری سون ایللرده، همچینین ایران حکومتینین بیگانهلیگی سببیندن اورمییه گؤلونون قوروماسینا دا اعتراض ائدیر و:
«اورمو گؤلو سسلنیر، سوسوزام، هارای، هارای!»،
«اورمو گؤلو جان وئریر، مجلیس اونون قتلینه فرمان وئریر!»، - کیمی شعارلار سسلندیریرلر.
مقصدلی شکیلده آدیچکیلهن کلوبو ضعیفلهدهرک داغیتماق سیاستینین عکس-افکت وئردیینی گؤرهن سیاسی دایرهلر ۲۰۱۷-جی ایلین سونوندا «تراکتورسازی»نی حاکمیته یاخینلیغی ایله تانینان تبریزلی ایش آدامی محمدرضا زونوزی موطلقه ساتیبلار. کلوبون یئنی صاحبی «ینی مشقچی و اویونچو جلب ائدجییک، کوماندانین طرفدارلارینا یئنی-یئنی غلبهلرین سئوینجینی یاشاداجاغیق» سؤزلری ایله فعالیته باشلاسا دا، صونعی اولاراق یارادیلان چتینلیکلر آیدین موشاهیده ائدیلیر. اؤتن مدت عرضینده کلوبون یئنی صاحبینین باش مشقچیلیک اوچون «بورساسپور»اون باش مشقچیسی ارتوغرول ساغلام و جون توشاک ایله باغلادیغی موقاویلهلره معلوم دایرهلرین تضییقی ایله خیتام وئریلیب.
۲۵ نویابر ۲۰۱۸-جی ایلده تهرانین «آزادی» ایستادیونوندا «پرسپولیس» - «تراکتورسازی» کوماندالارینین اویونو داها بؤیوک قالماقالا سبب اولوب. «پرسپولیس» طرفدارلاری اویوندان اول سوسیال شبکهلرده خبردار ائدیجی ویدئو-بیلدیریشلر یایاراق، اؤلکهنین رسمی دیلیندن باشقا غیری-دیلده و میللی بیرلییه خلل گتیرن شعارلار سسلندیریلدیی تقدیرده عکس شعارلار سسلندیرهجکلرینی و «آرتساخ» پلاکاتی قالدیراجاقلارینی ایفاده ائدیبلر. «تراکتورسازی» طرفدارلارینین آذربایجان دیلینده شعارلاری، خصوصیله ده «قاراباغ بیزیمدیر، بیزیم اولاجاق» شعارینین علیهینه آذربایجانلیلاری تحقیر ائدن شعارلار سسلندیریب و اوزرینده فارس دیلینده «آرتساخ» یازیلمیش پلاکات قالدیریبلار.
مهافیظه کار حربی دایرهلره یاخینلیغی ایله تانینان سوسیال شبکه اونوانلاریندا یاییلمیش ویدئولارین بیرینده «پرسپولیس» رفداری فورماسیندا اولان شخص قلیز لهجه ایله آذربایجان دیلینده سؤیلییر کی، «بیز پئرسئپولیسین آذری ترفدارلاری بازار گونو ایستادیونا گئدجییک. پانتورکلره جواب اولاراق بیز قاراباغین اصل آدی اولان «آرتساخ" شعارینی وئرجییک. ارمنی «آرتساخ»! ارمنی «آرتساخ»i! ارمنی ‘آرتساخ»ی! سؤیلیجییک».
نظره آلینمالیدیر کی، سؤزوگدن حرکتلر اجتماعی اعتراضا سبب اولوب، همچینین ایسلام شوراسی مجلیسینین بیر نئچه آذربایجانلی عضوو طرفیندن قینانیلیب.
ایماگئ رئسولت فور تراکتورسازı
اورمییه شهریندن ایسلام شوراسی مجلیسینه سئچیلمیش دپوتات سید هادی بهادوری بو بارهده بیلدیریب: «قانونا گؤره اؤلکهنین باش پروکورورو آذربایجانلیلاری تحقیر ائدنلری جزالاندیرمالیدیر. ایستادیوندا تحقیره یول وئریلجیی تقدیرده اویونون دایاندیریلاجاغی اولجهدن اعلان اولونسا دا، بونا عمل ائدیلمدی».
اورمییه شهریندن سئچیلمیش دیگر دئپوتات روهوللاه هزرتپور ایسه بئله دئییب: «اؤلکهنین فوتبول فئدئراسییاسی بو مسئله ایله باغلی تدبیر گؤرمهلیدیر. قاراباغ ایسلام دونیاسینین آیریلماز بیر حیسهسیدیر. بو کیمی حرکتلر جاهیللیین گؤستریجیسیدیر و اینسان حقوقلارینا ضیددیر. بیز بو مثلاًی دقتده ساخلایاجاغیق».
تبریز شهریندن سئچیلمیش دئپوتات شاهابددین بیمقدار دا اؤز فیکرینی بیلدیرهرک دئییب: «بو کیمی حرکتلر بین الخالق عالمده قبول ائدیلمزدیر. من بو مسئله نی ایسلام شوراسی مجلیسینده قالدیراجاغام و اؤلکهنین گنجلر و ایدمان ناظرینه خبردارلیق ائدجهیهم».
مرند شهریندن سئچیلمیش میلت وکبلی محمد حسنژاد «Twitter»ده یایدیغی پایلاشیمدا یازیب: «اگر بو گون ارمنیلرین قاراباغی ایشغال ائتمهسینه گؤز یومساق، صاباح یهودیلرین فیلیسطینده، خریستیانلارین بوسنییا و هرسقووینادا و بوددیستلرین ایسه جنوب-شرقی آسییادا موسلمانلارا حؤکمرانلیق ائدجیینی گؤزلملیییک».
اردبیل شهریندن سئچیلمیش میلت وکیلی سعید حمایت میرزاده بیلدیریب: «آذربایجانلیلار اونلارا قارشی ائدیلن تحقیرلره نئجه جواب وئرهجکلرینی یاخشی بیلیرلر. بیز لازیمی یئرلره اعتراضیمیزی بیلدیرجییک. اگر مسئول شخصلر بو مسئله ایله باغلی درحال اؤلچو گؤتورسه، بئله حادثهلر تکرارلانمایاجاق. عایدیتی قوروملارین نظارتینه باخمایاراق، بعضا بئله حادثهلرین قارشیسینی آلماق اولمور. بیر کیچیک قروپ نسه ائتمهیه چالیشیر، دیگرلری ایسه اونو تکرارلاییر. لاکین یئنه ده بئله حرکتلر قبول ائدیلمزدیر. قاراباغ سؤزونون معناسی آچیق-آشکار معلومدور. گئج و یا تئز آذربایجان خالقی اؤز دوغما تورپاقلاریندا - قاراباغدا یاشایاجاق. ائرمهنیلر اؤزلری ده بیلیرلر کی، آذربایجانین حاقینی تاپدالاییبلار، قاراباغی زبط ائدیبلر. طرفدارلارین بیر قیسمی اوزرینده «آرتساخ» یازیلمیش پلاکات قالدیراراق، ایختیلاف یاراتماق مقصدی ایله بو آددیمی آتیبلار. «پرسپولیس» طرفدارلارینین بو آددیمی بوتون فارس دیللی و تهران ساکینلرینین مناسیبتی دئییل. آذربایجان بوتون ایران دئمکدیر. ایرانین آذربایجانسیز هئچ بیر معناسی یوخدور. «تراکتورسازی» طرفدارلارینین ایستادیوندا اخلاقلی و صبرلی داورانیشی آذربایجان خالقی اوچون فخردیر».
