باتى آزربايجان تورك ولايتينين كورد! والى سى -شهريارى- نين جيلولوق فاجيعه سى قوْنوسوندا دانيشديغى ايره نجسَل سؤزلر، كَسينليك له اوْنون تورك-ه قارشى (آنتى تورك) اينانجلاريندان قايناقلانير.

شهريارى كورد تور اؤرگوتلرينه دَستَك اولاراق بؤلگه ده هر هانسى بير اؤتَك سَل گَرچك لرى اؤزلليك له ائرمنى لر وَريندن يارانان جيلولوق فاجيعه سى، آرديجا سيميتقو باشچيليغى ايله كوردلرين ياراتديغى سوى قيريم لار سوْنوجو آزربايجان توركونون آجيماسيزجا آسيليب-كَسيلمه سينى قوشقولانديراراق- اونوتقانليغا چَكمك چاباسى، اونون حاكيميته آرخالاناراق اؤنجه دَن تاسارلاديغى خريطه يه اويغون-باتى آزربايجان ولايتينين چئشيدلى يؤنه تگيل (سياسى)، يؤنه تيجى سَل (ادارى)، كولتورل ... ( هله گله جك ده ييغامسال (اقتصادى)) قونوملارى ايكى ألده كوردلره سونماق- پروژه سينين داوامى دير.

بو يوْلون سوْنو- بو گونون يارينى- بيرده شهريارى كيمى لرين آماجى تام آيدين، بؤلگه ده (اؤزلليك له باتى آزربايجاندا)كوتله سَل (دئموگرافيك) جوغرافيا ايله ياناشى يؤنه تگيل (سياسى) دورومو كوردلره سارى دَييشيب- گوجلنديرمك دير.

كئچن گونلرده بير نئچه آغ ساققاليميز، بيلگينيميز، يازاريميز، اولوسال چاليشقانيميز، ... بو قونودا شهريارينى قيناياراق آچيقلامالار يازيب، تَپگى گؤسترديلر. آنجاق بو ايش بوردا بيتمه مَلى دير!

اوزده-يازى دا گؤستريلن تَپگى بير نئچه گوندن سوْنرا اونودولور، شهريارى ائله جه ده شهريارى كيمى لر -باشقا بير دوْندا - يئنه اؤز يوْللاريندا اولاجاق.

هر زامان كيمى يئنه اينانيرام آزربايجان ميللى حركتى پراكتيك آلانيندا داها آرتيق چاليشمالى دى! البته پراكتيك دئديكده گره كن آنلامدا خياوانلارا چيخيب آياقلانماق يوخسا والى ليك بيناسينا سالديرماق دَييل! ميللى حركت اؤز اويقار اؤزلليگى چَرچيوه سينده پراكتيك چاليشمالارينى تانيملامالى (تعريف له ملى) دير. بو قونودا چوخلو ايش لر گؤرمك اولار. اؤرنك: جيلولوق كيمى اؤتَك سَل بير فاجيعه قونوسوندا قيساجا آچيقلامالار يازيب، بيلديرى (بيانيه) كيمى آزربايجان شَهرلرينده پايلاشماق، بيليم يوردلاريندا-كولتورل اوجاقلاردا بيليم سَل اوتوروملارين كئچيريلمه سى، غير رسمى اولسادا آزربايجان گون ساياريندا (تقويمينده) بير گونو "جيلولوق سوْى قيريم گونو" آدلانديرماق، اولدوقجا بلگه سَل قيسا چَكيم لر (فيليملر) يايماق، ...

سوْنوندا آرتيرمالى يام بلكه آزربايجان آدينى يوك چكن ميللت وكيل لرينده، اصفهان وكيل لرينين غئيرتينين- كَسَرينين بير ميثقالى اولسايدى ايندى بئله بير كؤچرى آزينليغينى تمثيل ائدن آلچاق! گليب ائو ييه سينين گؤزونو چيخارمازدى! بيز چاليشديق باتى آزربايجان- اؤزلليك له اورمودا تورك وكيل چيخسين! تورك شورا چيخسين! نه دوشوندوك؟ نه اولدو؟ نئجه اولدو؟ ميللى حركت گله جكده بو قونولارى داها آرتيق دوشونمه لى دير!