1302 ـ ﺟﯽ اﯾلین آذر آیین22سینده ﺷﺒﺴﺘﺮده ﮐﯿﺮﯾﺸﭽﯽ ﺑﯿﺮ ﻋﺎﯾﻠﻪده دوﻧﯿﺎﯾﺎ ﮔﻠﻤﯿﺸﺪﯾﺮ. 1309 ـ ﺟﻮ اﯾﻠﺪه ﯾﺌﻨﯽ آﭼﯿﻠﻤﯿﺶ دؤوﻟﺘﯽ ﻣﺪرﺳﻪﯾﻪ ﮔﺌﺪﯾﺐ، 1315 ـ ﺟﯽ اﯾﻠﺪه اﺑﺘﺪاﯾﯽ آﻟﺘﯿﻨﺠﯽ ﮐﻼﺳﯽ ﺑﯿﺘﯿﺮﻣﯿﺸﺪﯾﺮ. اوچ اﯾﻞ ﻓﯿﻮﺿﺎت اورﺗﺎ ﻣﮑﺘﺒﯽ ﻗﻮرﺗﺎران زﻫﺘﺎﺑﯽ؛ 1320 ـ ﺟﯽ اﯾﻠﺪه ﺗﺒﺮﯾﺰ داﻧﯿﺸﺴﺮاﺳﯿﻨﺎ داﺧﯿﻞ اوﻟﻮب اوراﻧﯽ ﻗﻮرﺗﺎردﯾﻘﺪان ﺳﻮﻧﺮا ﺑﯿﺮ ـ اﯾﮑﯽ اﯾﻞ ﻣﻌﻠّﻢﻟﯿﮏ اﺋﺘﻤﯿﺸﺪﯾﺮ.

1325 ـ ﺟﯽ اﯾﻠﺪه ﻣﯿﻠﻠﯽ ﺣﮑﻮﻣﺖ ﻃﺮﻓﯿﻨﺪن داﻧﺸﮕﺎه آﭼﯿﻼن زاﻣﺎن ادﺑﯿﺎت ﻓﺎﮐﻮﻟﺘﻪﺳﯿﻨﻪ داﺧﯿﻞ اوﻟﻮر. ﺳﻮﻧﺮا ﻋﺎﻟﯽ ﺗﺤﺼﯿﻞ آﻟﻤﺎق اوﭼﻮن ﺷﻮرويﯾﻪ ﮔﺌﺪﯾﺮ. اﯾﮑﯽ اﯾﻞ ﺳﯿﺒﺮي ده دوﺳﺘﺎﻗﺪا ﻗﺎﻟﯿﺮ ﺳﻮﻧﺮا دوﺷﻨﺒﻪ ﺷﻬﺮﯾﻨﻪ ﺳﻮرﮔﻮن اوﻟﻮر. 1333 ـ ﺟﻮ اﯾﻠﺪه ﺑﺎﮐﯽﯾﺎ ﮔﻠﯿﺮ.

ﺑﺌﺶ اﯾﻞ ﺳﻮرهﺳﯿﻨﺪه ﺑﺎﮐﯽ دؤوﻟﺖ اوﻧﯿﻮﺮﺳﯿﺘﻪﺳﯿﻨﯿﻦ آذرﺑﺎﯾﺠﺎن دﯾﻞ و ادﺑﯿﺎﺗﯽ ﻓﺎﮐﻮﻟﺘﻪﺳﯿﻨﯽ ﺑﯿﺘﯿﺮﯾﺮ. 1350 ـ ﺟﯽ اﯾﻠﺪه ﻋﺮاﻗﺎ ﮔﺌﺪﯾﺮ و اورادا ﺑﯿﺮ ﻣﺪت اﺳﮑﯽ ﺗﻮرك دﯾﻠﯿﻨﯽ ﺗﺪرﯾﺲ اﺋﺪﯾﺮ و ﻫﺎﻣﺎن ﺷﻬﺮده ﭘﺮوﻓﺴﻮرﻟﻮق ﻣﺪرﮐﯿﻨﯽ آﻟﯿﺮ و اﯾﻨﻘﻼﺑﺪان ﺳﻮﻧﺮا ﮔﻮﻧﺌﯽ آذرﺑﺎﯾﺠﺎﻧﺎ ﮔﻠﯿﺮ. ﻧﻬﺎﯾﺖ 1377 ـ ﺟﯽ اﯾﻠﺪه ﻣﺸﮑﻮك ﺷﮑﯿﻠﺪه اﺋﻮﯾﻨﺪه اؤﻟﻮﺳﻮﻧﻮ ﺗﺎﭘﯿﺮﻻر.

زﻫﺘﺎﺑﯽ ﺑﯿﺮ ﭼﻮخ ﻋﻠﻤﯽ اﺛﺮﻟﺮﯾﻨﯽ ﺑﺎﻏﺪاددا اوﻟﺪوﻏﻮ زاﻣﺎن ﯾﺎزﻣﯿﺸﺪﯾﺮ. ﻫﺎﻣﺎن ﺷﻬﺮده آﯾﻠﯿﻖ ﺑﯿﺮ درﮔﯿﻨﯽ ده ﻧﺸﺮ اﺋﺪﯾﺮدي. «ﻗﻮي اوﻟﺴﻮن اون» ﺣﺌﮑﺎﯾﻪ و ﺧﺎﻃﯿﺮهﻟﺮ ﻣﺠﻤﻮﻋﻪﺳﯿﻨﯿﻦ ﺑﯿﺮ ﻧﺌﭽﻪ ﯾﺎزﯾﺴﯿﻨﯽ ﺑﺎﻏﺪاددا اوﻟﺪوﻏﻮ اﯾﻠﻠﺮده ﯾﺎزﻣﯿﺸﺪﯾﺮ.

زﻫﺘﺎﺑﯽﻧﯿﻦ ﭼﺎپ اوﻟﻮﻧﻤﻮش اﺛﺮﻟﺮﯾﻨﺪن: ﭘﺮواﻧﻪﻧﯿﻦ ﺳﺮﮔﺬﺷﺘﯽ (ﺷﻌﺮ ﻣﺠﻤﻮﻋﻪﺳﯽ)، ﺑﺎﻏﺒﺎن اﺋﻞ اوﻏﻠﻮ (ﻣﻨﻈﻮﻣﻪ)، ﭼﺮﯾﮏ اﻓﺴﺎﻧﻪﺳﯽ (ﻣﻨﻈﻮﻣﻪ)، ﺑﺬ ﻗﺎﻻﺳﯿﻨﺪا (ﻣﻨﻈﻮﻣﻪ)، ﺑﺨﺘﯽ ﯾﺎﺗﻤﯿﺶ (ﻣﻨﻈﻮﻣﻪ)، ﻫﺴﺘﯽ ﻧﺴﯿﻢ (ﺷﻌﺮ ﻣﺠﻤﻮﻋﻪﺳﯽ)، ﻣﻌﺎﺻﺮ ادﺑﯽ آذري دﯾﻠﯽ، ﻋﻠﻢ اﻟﻤﻌﺎﻧﯽ، اﯾﺮان ﺗﻮرﮐﻠﺮيﻧﯿﻦ اﺳﮑﯽ ﺗﺎرﯾﺨﯽ (اﯾﮑﯽ ﺟﯿﻠﺪ) آد آﭘﺎراﻣﺎق اوﻻر.

زﻫﺘﺎﺑﯽﻧﯿﻦ «ﻗﻮي اوﻟﺴﻮن اون» (ﺣﺌﮑﺎﯾﻪ و ﺧﺎﻃﯿﺮهﻟﺮ) اﺛﺮيﮔﻮﻧﺌﯽ آذرﺑﺎﯾﺠﺎن ﺣﺌﮑﺎﯾﻪ ادﺑﯿﺎﺗﯿﻨﺪا ﭘﺎرﻻق ﻧﻤﻮﻧﻪﻟﺮﯾﻨﺪن ﺑﯿﺮيدﯾﺮ. ﺣﺌﮑﺎﯾﻪﻟﺮﯾﻦ ﯾﺎزي دﯾﻠﯽ؛ ادﺑﯽ دﯾﻠﯿﻤﯿﺰﯾﻦ ان دورﻏﻮن و روان ﻧﻤﻮﻧﻪﻟﺮﯾﻨﺪندﯾﺮ.