بو فرش اوستونده یازیلدیغی کیمی ۱۳۴۵ (قمری ، ۱۳۰۵ شمسی و ۱۹۲۶ میلادی) ده توخونوب.

او زامان آذربایجاندا مساوات حکومتی چوخدان آرادان گئتمیش و اس اس ار سوئت حکومتی وار ایدی.

بو بایراق ایلک دفعه ۱۹۱۸ ایلینده گنجه ده اعلام اولان و همین شهری پایتخت کیمی قبول ائدن آذربایجان جمهوریتی نین بایراغیدیر.

باکی هله بلشویکلرین الینده ایدی. تورک اوردوسونون یاردیمی ایله باکی اله آلیندیقدان سونرا ، پایتخت باکییا داشیندی . سونرا دا بایراغی دییشیب اوچ رنگلی آی اولدوزلو بایراق یئرینده تصویب اولدو.

نظره گلن بو فرشی توخویان شخص کمونیست حکومتینه قارشی و ایلک آذربایجان جمهوریتینی مدافعه ائدن بیریسی ایمیش. هم ده کیشی و قادین حقلرینین برابرلیگینی مدافعه ائدیرمیش.

شعر بئله دیر:

ذکر ائدر جن و ملک هم انسان

یاشاسین دولت آذربایجان

حرّ آزاده یاشاتسین هامینی

هم حقوق اولسون ار ایله نسوان

۱۳۴۵ میر فصیح