ایراندا فرقه بارسینده موختلف کیتابلار یازیلیب ، و بو کیتابلارین دئمك اولار دوقسان دوقوز فایزی غرضلی ، و چوخودا مرضلی ، یازيلیب . بو کیتابلاردان بیری « مرگ بود بازگشت هم بود » نجفقلی‌خان پسیاندان دیر .

نجفقلی پسیان ،خسرو معتضدنن دوستلوغو وارایمیش و معتضد اؤزو دئیر که پسیان جاوانلیقیندا ، فاشیستی باخیشی واریدی و سونرالار دا ، اطلاعات قزئته‌سینده ،باش رداکتور اولاندان سونرا ، داها علاقه سی و دوستلوغو پهلوی لردن درینله‌شیر .پسیان ،عمومیتله موستقیل بیر شخصیت سیاسته و یازیچیلیقدا اولماییب ،او بو کیتابین دا ، هاردا فورصت تاپیر ،محمد رضا شاهدان تعریف و توصیف ائدیر و اونون وطن پرستلیگیندن دانشیر ،البته سونرالار بحرینی شاه مفت و مجانی ،اینگیلیسه وئرنده ، نئجه دئیه‌رلر، دیلی قارنینا گیرمیشدی و هچ بیر اعتراض ائتمه‌دی .

سونرالار ،خسرو معتضدنن ، بیرله‌شیب رضاشاه و محمدرضاشاه ین علیهینه کتاب یازدیلار . پسیان عمومیتله ، قدرت دن دوشنلره ، و دونیادان کؤچنلره تاریخ یازیب . سببی ده بودور کی او بئله آداملارا گوجو چاتیردی .طبیعی کی فرقه بارسینده یازدیغی کتاب ، آنجاق شاه دان ، درهم الماق ایچوندور . من بو کیتابدا بیر دوزگون توصیفی رپورتاژ گورمه‌دیم ، یعنی غرض سیز بیر سؤز تاپماق چوخ چتین دیر .معتضد و پسیان هر ایکسی شاهچی دیلار ،اما اینقلاب اولجاق ، تئز بو سفره‌نین ده باشیندا اوتوردولار کی چؤرکدن پایسیز قالماسینلار . قصدیم وارئیدی پسیانین کیتابین نقد ائدم ، اما فیکرلشدیم بونون هاراسین نقد ائدیم . بیرصفحه دئیل ایکی صفحه دئیل ، باشدان آیاغا ایرادا بورونوب.