سوویت و یا شوروی استبدادی نین بوینوزلاری ۱۹۹۰ جی ایل قیریلارکن قوزئی آذربایجانلیلار دسامبر (دکابر) آیی نین ۳۱ جی گونو ایکی آذربایجان آراسیندا چکیلن تیکانلی مفتیللری قیراراق آراز چایی قیراغینا گلیب و اوزون ایللر بویو آیری دوشدوکلری گونئی آذربایجانداکی قوهوم- اقربالارینا قووشماغا جان آتدیلار!

آراز چایی‌نین سویونون چوخ اولماسینا باخمایاراق بیر تعداد گنجلردن، اؤزلرینی سویا ووروب چتنلیکله بو تایا کئچیب آیری دوشدوکلری قوهوملارینا قووشدولار!

او گوندن سونرا ایکی آذربایجان آراسیندا گل- گئت چوخالیب اوزون ایللر بیر بیرلریندن آیری دوشموش قوهوم اقربالار بو آیریلیغا سون قویوب کئچمیش ایللرین آجیسینی آرخادا قویدولار و دسامبرین ۳۱ ی « دونیا آذربایجانلیلارین اتحاد و بیرلیک گونو» اعلان اولدو .

بیزده ۳۱ دسامبر (دکابر) «دونیا آذربایجانلیلارین اتحاد و بیرلیک گونو»نو بوتون آذربایجانلیلارا قوتلو اولسون دئییریک !