‍ ایلان پری

بئله ده ترکیب اولار؟
ترکیب ده زهرلی حلاوته باخ:
"ایلان پری"

البته کی تورک شعرین قدرتین گوستریر، بو ترکیب "آشیق عباس توفارقانلین" شعرین عنوانیدیر.

آشیق عباس توفارقانلی صفوی دؤرینده یاشامیش شاعیرلریمیزدن اولوب. تاریخی قایناق لارا گورا دده قورقوددان آخیب بوگونه چاتان "دده لیگ" عنوانینا و مقامینا یوکسلن حاقق آشیق لاریمیزدان اولوب.

آمما "ایلان پری" ترکیبینن باغلی:

عباس توفارقانلی گنج یاشلاریندا توفارقان شهرینده(تبریزین یاخینلیقیندا یئرلشن بوگونکو آذرشهریده)گولگز آدیندا بیر قیزا عاشق اولور.
بیرگون بولاغ باشینا ائنه نده گولگز آشیق عاباسا محل قویمور و آشیق عاباس در حال ال آپاریر سازا و بئله باشلیین:

"ایلان پری"

در حال گولگز بتردن عصب له شیر اونو عاباس ایلان خطاب ائتمه سینه گورا.

آشیق عاباس دئییر: گولگز سن بیر ذکالی اووسان منده بیر اووچو،سنی شیکار ائتمگه فرقیلی اوخ و کامان گرکدیر بیر سؤزون دالیسینا قولاغ آس:

سحر_سحر سرچشمه لر باشیندا

گون کیمی عالمه یاییلان پری

هرکس مندن سنه یامان قاندیریب
یا عقرب دیشله سین_یا ایلان پری

چال ایری چالمانی باشینا گلسین

چک قارا سورمه نی قاشینا گلسین

عاباسین سؤزلری خوشونا گلسین

حوری لر قیزیندان ساییلان پری