(میللی قهرمان موباریز ایبراهیمووون عزیز خاطره‌سینه).

گؤره‌سه‌ن دوغرودان دا اؤلوم حیاتی، گؤزل‌لیکلری، یاشامی، سئوگینی الیمیزدن آلان مهفومدور. اؤلوم ساده‌جه اینسانین دوغولدوغو آندان اعتباراً بللی بیر حیات یاشاییب سون‌دا یوخ اولماسیمیدیر؟ سوندا حقیقتا ده اؤلوم غلبه چالیر؟

دوغولدوغوموز گون‌دن کئچیجی اولاراق موختلیف اویونلار اویناییریق کی، بو اویونلار حیات آدی وئریله‌ن بیر تاماشانی یارادیر. و بو تاماشانین سونون‌دا غلبه اؤلومون اولاجاق. گؤزوموزو آچدیغیمیز گون‌دن دوغوم کیمی اؤلوم ده بیزیم تالعیمیزه یازیلیر و اووونو توتماق‌دان اؤترو ساده‌جه بیزیمله بیراز اویناییر.

اؤلوم بیزی سئودیکلریمیزدن، حیات‌دان، یاشامدان می آییریر حقیقتا ده، یوخسا بیزه یئنیدن یاشاماق اوچون گؤندریله‌ن بیر نعمتدیرمی؟ کیمیلری اوچون اؤلوم حقیقتا ده حیاتین سونا چاتماسی‌دی. بس بوتون اؤلوملر عینی‌دیرمی؟! بعضیلری بؤیوک بیر ویللادا، هر طرفی گوللر، چیچکلرله، باهالی اشیالارلا بزدیلمیش ائولرده حیاتینی ایتیریر، بعضیلری بیر پارچا چؤرک اوچون وطن‌دن اوزاق قریب دیارلاردا گؤزلرینی اب‌دی اولاراق حیاتا یومور، کیمیلری ایسه سون‌سوز بیر آمال اوچون دونیایا گلر و بو اقی‌ده ایله یاشاییر، یاشاملاری بویو بو عقیدنین حیاتا کئچمه‌سینه چالیشیرلار. بو اینسانلار ادبیاتی الده ائدیرلر و اؤلوم اونلارین بیزه یئنی‌دن قاییتماسینا سبب اولور. لاکین بو دفعه اونلار بیر ابدیات گونشی کیمی قلبیمیزه نور ساچیرلار، قارانلیق گئجه‌ده بیزه ایشیغی گؤستریر، داشلاشمیش قلبلریمیزه سئوگینین نه اولدوغونو آنلادیرلار. سونسوز یورد، تورپاق سئوگی‌سی اونو بو آمال اوغروندا یئنی‌دن حیات تاپماغا مجبور ائتدی. -مباریز ایبراهیموو. اینسانلار واردیر کی، گؤزلرینی حیاتا یوماق اونلار اوچون اؤلوم دئمک‌دی، بس موباریز ایبراهیموو نئجه حقیقتا می اؤلوم اونو اؤز جایناغینا کئچیره بیل‌دی، بیزدن آلدی؟!یوخ او اؤلمه‌دی، اؤلومله یئنی‌دن حیات قازان‌دی، بیزیم یاشادیغیمیزدان حیات‌دان داها گؤزل و داها شرف‌لی بیر حیات ، داها قورورلو بیر آد، بیر یاشام شهیدلیک آدینی قازان‌دی موباریز ایبراهیموو. شهیدلیک! اؤلومون گؤزونه قورخمادان باخماق، بیر آن بئله ترددود ائتمه‌دن وطن، میللت یولون‌دا جانینی وئرمک‌دیر. موباریز ایبراهیموو! او، بو میللته اونوتدوغو کورشاد جسارتینی، کوروغ‌لو گوجونو قایتاردی. ۲۲ یاش‌لی گنج قهره‌مان دوشونمه‌دن منیم عشقیم، تک سئوگیلیم وطنیم و میللتیم‌دیر دئیه‌رک دوشمه‌ن اوزرینه قورخمادان یورویه‌رک تورک اوغلونون نیه قادیر اولدوغونو گؤستردی. شهیدلیک موباریزین آلین یازی‌سی ایدی. هر بیر آذربایجان گنجی کیمی او دا قاراباغ‌دا، خوجالی‌دا یاشانان دهشتلر حاقین‌دا ائشی‌ده‌رک بؤیویوب. موباریز اوشاق یاشلارین‌دان میللتینین، وطنینین قیساسینی آلاجاغینی دئیرمیش. قهره‌مان دئدیینی ده ائدیر. ۲۰۱۰-جو ایل ایونون ۱۹-دا ایللردن بری دوشوندویونو یئرینه یئتیریر. گئجه راده‌لرین‌ده ترتر ایستیقامتین‌ده دوشمه‌ن ایشغالی آلتین‌دا اولان چای‌لی کندین‌ده‌کی ائرمه‌نی قرارگاهینا گیرمک اوچون بیر کیلومئترلیک مینالانمیش یولو تکباشینا کئچیر و ۵ ساعت بیر اوردویلا دؤیوشور. دوشمه‌نین اؤز سلاحین‌دان اؤزلرینه قارشی ایستیفاده ائد‌رک، دوشمه‌نین آغلاسیغماز سای‌دا عسگرینی محو ائدیب. گئجه‌نین قارانلغین‌دا نه باش وئردیینی آنلامایان دوشمه‌ن اوردوسو ائله زنن ائدیر کی، آذربایجانین بؤیوک بیر اوردوسو اونلارین اوستونه گلیب. منفور دوشمه‌ن او قدر قورخویا دوشور کی، حتی کمکه علاوه یاردیم دا چاغیریر. قهره‌مان سحره یاخین قئیری-برابر دؤیوش‌ده وطنی اوغرون‌دا شهید دوشور. تانرینین بیز اینسانلارا بخش ائتدیی تک و یئگانه ان بؤیوک روتبه‌یه-شهیدلیک روتبه‌سینه اوجالیر. بلی، موباریز ان چتین آنلارین‌دا وطنیمیزین اوزرینه ساچیلان «قیش گونشی» اولدو.

یوردونون، میللتینین قهره‌مان، آدی کیمی موباریز اوغلو سن اؤلمدین!سن تورپاغا دئییل‌ده میللتینین قلبینه گؤمولدون، کؤنوللری بزه‌یه‌ن وطن شرقیلرینه چئوریلیب سئویله-سئویله دیللر ازبری اولورسان!

راحت اویو شهیدیم! سن اویو، ایندی بیزیم نؤوبه‌میزدیر، سیزین آل-قانینیزلا سولانمیش بو تورپاقلاری جانیمیز، گؤز ببییمیز قدر قوروماق ایندی بیزیم بورجوموزدور!