بیرینه ایراد توتولدوقدا، طرف توتولدوغو ایرادی ایضاح ائتمک یئرینه، قارشی طرفه شَرر، تهمت یاخماغا و بهتان وورماغا چالیشار. اوسته لیک بیر خطانی ایضاح ائتمک اوچون قارشی طرفه اوست اوسته اولسون دئیه بهتانلار یاغدیرماغا چالیشار.

ائله بیل، طرف بیری نین اؤلوموندن یانا اتهام آلتیندا اولارکن اؤزونو برائت ائتمک اوچون قارشی طرفی نئچه شخصی اؤلدورموش دئیه اونا تهمت وورماغا چالیشارکن اؤزونون بو خطادان آریندیغینی گمان ائدر.

خطادان آرینماقسا، قارشی طرفه بهتان وورماق دئییل، آرادا اولان ظن و گمانی آرادان قالدیرماق ساییلار. بئله یاناشمالار یالنیز ظرفیتسیزلیک و باشاریقسیزلیق ساییلار.

ترس دورومدا شخص بیر متهم اولاراق او تهمتدن اؤزونو خلاص ائده بیلمزکن باشقاسینا تهمت وورماقلا دا اؤزونو تمیزلیگه چیخارابیلمز!