بو.جمعه آیئن ۲۶_سی استقلال و تیراختور یاریشی, آذربایجان تاریخینده ''بيرليك گونو'' یازیلدی.

گونشلی و باهار هاواسینا بنزر بیر گونده بیزده آذربایجان میلتیندن بیر دامجی اولاراق تیراختور عشقینه اورمودان تبریزه یولا دوشدوک..
کلانتری اوتوبانیندا تیراختور بایراغین ماشیندان آسلادیغیمیز ایچون اکثریت یا دئمك هامى آلقيش ائديردى.

چوخ آدام چیراقلارین یاندیر, چوخو سیگنال چالیر, چوخ ال قاوزیر, چوخو بوزقورد علامتی توتور...

و بیزده بو يولو باشا _باش آلقیشلارا جواب وئريرديك.

البته اورمودان تبريزه گئدن ماشين لارين چوخو تیراختورون آل بایراغینا بزنمیشدیر و بیز گلن زامان سولدوز تیراختورچولاریدا بیر اتوبوسدا گلیردی...

سانکی جمعه گونو دریا یولوندا بیر بویوک فستیوال واریدی.

بو کارناوال شرقی آذربایجانا گیرینجه داها بویوک اولور دئمك دامجيلار ، چایلار, دنیزلر بیر _ بیره قووشوب اقیانوس اولور.

ایلخچی شهرینده باتی آذربایجان و اورمودان سئواى قوشاچای, بناب, ملکان, مراغا, آذرشهر, گوگان ... تراختورچولاری گؤرونور
بو شهر تراختورچولارین همن قووشدوغو یئردى ، بير گون ایلخچی نین آدی تراختورچی اولسا نه اولار!

اما تبریزین پلیس راهیندا آیری بیر گؤرکم وار. بویوک بیر توپلوم قوناقلاری آلقیش ائدير فقط اؤزل و گؤزل بیر گونلرده بویله گؤرکملری گؤرمک اولار...

ایندی شهرک اندیشه کؤرپوسو یانیندا یولداشلاری گؤزلمک ایچون خیاوان قیراغیندا بیر آز دورموشوق شال _ پرچم اينيمزده اولدوغو ايچون چوخ آدام یئنه احساسات گؤستریر, چوخو دئير بلكه وسيله ميز يوخدور, بیزیده یئتيرمك ايستير

چوخ آدام استادیوم یولون سوروشور...

بیر همشهری عسگر یاخینلاشیب دئيير :منده تراختور مسابقه سينه گئديب ياخيندان باخماق ايستيرم ، اما بیرینجی دفعه دیر, نه ماشینیم وار نه يولو تانيرام اؤزوم اورمولويام...

دئييرم سن هم تراختورچوسان, هم همشهری همده سرباز (عسکر) بئله ايسه تک گئتمه بير آز دوزه بيلسن ، سنده بيزه يولداش اولارسان...

ايندى استاديوم قاباغى ، پارکینگ ده دسته جمعی تور شکلینده گلمیش اورمو, سولدوز, قوشاچای, خوی, ماکو , مشكين ، ماراغا, زنگان, اردبیل, تهران, قزوین حتی رشت تراختورچولاری نین اوتوبوس لاری و یازیلاری چوخ سئوينديريجى دير.

تمام تورك شهرلرى نين بوردا نماينده لرى وار آرتيق اينانيرام تراختور يالنيز بير فوتبال تيمى دئييل

سهند استاديوموندا تورك لرين بيرليك حماسه سى يارانماقدادير...

اوردا ملی حرکت یولونون فعال دوست لار ایله گؤروشمکده اونور ساییلیر اؤزللیکله حرکتده چوخ زحمت و اذیت چکمیش داها آغیری ناباب دوستلار وریندن پیس تخریبلره معروض قالمیش مقاومت سیمگه سی حبیب بی ساسانیان ایله ایلقار تزه لدیک.

حبیب معلمین هر بیر آغ توکو مین _بیر تجروبه دیر, اونون بویوک گؤنلو, آچیق باخیش و دوشونجه لری گئرچکدن دیقته لایقدی
ژاپونلولار کیمی استادیومون نظمینی و تمیزلیینی تراختورچولار طرفیندن ساخلاماقدا بیر کولتوردو و تهران دربى سينده استقلال _پرسپولیس اویونو تاماشاچی لار طرفیندن نقدر آزادی استادیومونا, خط واحدلره , شخصی ماشین لارا...خسارت وورماقدا هر حالدا بیر کولتوردی!

جمعه گونو ۱۰۰مین نفردن آرتیق تراختور طرفدرلاری نین گؤزو اؤنونده ۱۰۰ نفرلیک استقلال هاوادارلاری بیر داها اؤزلرینه مخصوص اولان کولتورلرینی سرگیه قویدولار. هله اویون باشلامامیشدان اؤنجه صندل لری سیندیریب یاندا و اشاغیدا تراختور تاماشاچیلارینا ساری آتیرلار...

منجه تراکتور تیمی نین حرفه ای اویونوندان حتی اودوب _ اودوزماقدان یوخاری اونون فرهنگی _ اجتماعی اثرلریدی
تماشاچی لارین حضور و بیرلیک حماسه سی بو آچیدان آچیقلانیر.

و سکولار اوسته وئريلن شعارلاردا چوخ اؤنملی دیر چون اوردا ان آزی ۱۰۰ مین نفرین شعورونو گؤستریر و میلیونلار نفر تلویزیون لاردان و مکتوب یا مجازی مدیالاردان ایزله ییرلر.

شخصا سیاسى جريانلارينى دیل, کولتور و ورزشدن آیریمی یا تفکیک اولماسينى ايسترديم اؤنجه لر بوجور قونولاردا نئچه تحلیل و مقاله یازمیشام مثلا آیری اؤلکه لرین یا سیاسی تشکیلات لارین بایراقلاری, آذربایجان بیر اولسون یا خلیج عربی شعاری...

خالقیمیزین حضور و بيرليى نى دوزنله ين تراختور فرصتى نیده بابك قالاسى كيمى يانديراجاقلار.

نئجه دئيه بيلرم سياسى قونولارى يالنيز سياسى آلانلاردا تارتيشماقلا باری كولتور و ورزش يوللارينی و فضالارینی میلتیمیز ایچون آچیق ساخلیالیم.

البته بونلار چوخدا شخصی نظر دئييل آنجاق گؤردوک لریمی و اولایلاری تحلیل ائديرم
هیچ بیلدیز ندن بو جمعه سکولار اوسته هیجان آزیدی؟

شعار چوخ وئريلمه دى ؟

او قدر شور وحضور حماسه سينه رغما دوز ١٥ _نجى ديقه مرسوم اولموش فرهنگی شعار ''تورك ديليندد مدرسه''

دئيلمه ينده گرچکدن من نگران اولدوم

٢٥_نجى ديقه بیر اجتماعى شعار " آذربايجان قيزلارى" دئيلمه ينجه من ديكسينديم...
آنجاق يو شعارلار بو سئوير بئواختدا اولسا ديله گلدی

اما بو بير پیس علامتیدی کی حتی بوجور کولتورل و عمومی شعارلاردا یاخین گلجکده سوسدورولا بیلر.

بو دیدرگین دورومون ندنینی یئتگی لیلردن سوردوغوم قدر

'' ت.ت '' و ٣٤_نجى '' اوز به اوز'' گورپ لارینین لیدرلرینی امنیتی قوه لر سیخما _بوغمایا سالمیشلار و آچیقجا حتی او شعارلاریندا ویرلمه مه سینی سؤیله میشلر.

یلیرسیز سهند کیمی بیر بویوک استادیومون جووینده تماشاچی لارا آنجاق لیدر لر اثر قویا بیلرلر.

بو آرادا اونلاری بلیرله یب سوسدورماق حتی بیر تعداد مأمور لیدر عوضی اورتایا سوخماق و اورانین کلی حالتده دورمونو دئيشمك ایستیرلر

باخین نئجه ۳۴_نجو جایگاه ملی شعارلار وئرنده یانی سيرا ۳۲ _ده زیرنا _طبیل چالیب, سسلری باسدیريرلار...

ايندى نئچه ایللر سوره سینده چوخ امکلرله یئر قازانميش ت.ت و اوز به اوز ليدرلريندن حمایت ائتمك زمانيدى ،
هامى سسلرينه سس وئرمك زمانيدى

آرتيق گئجه ساعات ١٠ حدودوندا اورمويا دونورم دريا يولونون آغزيندا تور ايله تبريزه گئدن اورمو تواختورچولار گوروه _گوروه اتوبوسلاردان یئنميشلر.

قيافه لره باخيرام اكثریت یئنى يئتمه گنجلردیلر.بو سئوينديريجى حالدير اما دوشونورم بيزلر او زامان بابك قالاسينا گئدنده حله بونلار آنادان اولماميشلاردى.

حاكميتين غير دموكراتيك داورانيشى بير طرفدن و بعضى دوستلارين دويغوسال و آشيرى حركاتى بير طرفدن بابك قالاسينين ايلليك قورولتايى نى بن بسته چکدی کاش قوردلار دره سیده او گونه دوشمه سین و ملی حرکت دور _ی باطل وورماسین
کاش بو گنجلر بیزلردن داهی باشاریلی اولسونلار

بو سویوق و قارانلیق قیش هاواسیندا...