آنا صحیفه یازارلار |
تۆم اینانجلارا دایاناراق، بیرینجی آدام توْرپاق دان یارانیب. اوْنا گوْرا یئرسیز دئییلمه ییب: آنا توْرپاق.
آنا وطن ایسه، آنا توْرپاغین بیر حیصصه سی دیر.
آنالاریمیزدا، آنا توْرپاغیمیزین اوشاقلاری اوْلاراق، اوْنلارین دانیشدیقلاری دیللرینی، آنا دیلی ( یئرلی دیل) آدلاندیریریق.
اوزون سؤزۆن قیساسی؛ آنا دیلین دن یادیرغایانلار، آنالاریندان و آنا تورپاق ـ آنا وطن لریندن یادیرغامالی دیلار.
اینسانلارین اَن دویغوسال قوْنوشمالاری، یالنیز دوْغما آنا دیللرینده یئترلی اوْلا بیلر.
من نئجه آنالار گۆنۆنۆ، آنامین دیلیمدن باشقا بیر دیلده، آناما کؤنلۆم سئوه ن ایفاده لریله قوتلایا بیله رم؟
آنام قوتسال دیرسا، آنامین دیلی ده قوتسال دیر.
بیزلر، آتا ـ آنالاریمیزین دۆزگۆن بالا ـ لارییق سا، تۆم قاداغا و یاساقلارا باخمایاراق، آنا دیلیمیزی قوْرویوب ساخلاماقلا، آنا توْرپاق و آنالاریمیزا سایقی لاریمیزی بیلدیرمه لییک.
آنالار گۆنۆ، بۆتۆن تۆرک آنالارا قوتلو اوْلسون.
تاریخ
2019.02.27 / 10:17
|
مولف
حبیب ساسانیان
|