گئچن گونلرده گنه تهراندا (اسلامی ایران دولتینین باشکنتی)گئچن ایللره سایاق ارمنیلره دولت طرفیندن مجوز وئریلدی کی بیر تاریخی یالان اولاراق عثمانلی دولتینین طرفیندن سوزده ارمنی سوی قیریمی اولان حادیثه نی محکوم ائتمک اوچون تهران خیاوانلاریندا گوستری یاپالار. بونو نظرده آلاراق کی ایران جفرافیاسینین چوخلی حیصصه سی تورکلرین یاشادیقی یئرلردی و داها اؤنملی ایران میللتی بیر مسلمان میللت اولاراق بو باره ده نئچه نکته و سورقونو ایران دولتینین طرفیندن جاوابلاماق دوغال حاققیمیز و بکلنتیمیزدیر:

1-تاریخی سندلر و مین بیر باشقا دلیلی نظرده آلاراق آیدیندیر کی ارمنی سوی قیریمی آدلانان حادیثه تاماما یالان و تام عکسینه ارمنی لر هم عثمانلی توپراقلاریندا و هم ایران آزربایجانیندا یوزمینلرجه تورک مسلمانی جلادجاسینا قتل ائدیب و وار یوخلارینی تالان ائدیبلر ایندی بوگون هله ایران آزربایجانینین ارمنیلر طرفیندن هوجوم و قتل عاما معروض قالان شهیرلرینده (اورمو، سولدوز، سلماس، خوی و ....) نئچه نئچه آغ ساققلاریمیز و آغ بیرچکلریمیز یاشاییر کی قتل عام گونلرینی گوزلریله گوروب و هله ده او آجی گونلری خاطیرلاییرلار یانی: او حادیثه نین جانلی شاهیدلریدیرلر.

2- بو باره ده ایران یازیچیلار و تاریخچیلر طرفیندن یوزلرجه کیتاب یازیلیب کی ارمنیلرین آزربایجان توپراقلارینداکی قتل‌عام ایشله دیقلرینی و بشریتین اوزونو قارالدان جینایتلرینی آپ آیدین یازیب و پایلاشیبلار

3- اینانین بوگون آدی گیچن شهیرلرده یاشایان بوتون عایله لر هربیریسی نئچه عائله عضوون ارمنی لر طرفیندن اؤلدورمه سینی سیزه سند و مدرکله ایثبات ائده بیلیر. کیمینین بویوک آتاسی کیمینی بویوک آناسی باجیسی قارداشی ...

4-بیر آتا سوزوموز وار کی: آدام بؤینوز چیخاردیر... دونیانین نئره سینده و هانسی اؤلکه سینده اؤز میللتینی قتل ائدن جانی لره مجوز وئریرلر کی قاتیللر مقتوللارین اولادلارینین گؤزلرینین ائوینده بو قتل عامی قوتلاماقا تؤره ن توتوب شادلیق یاپالار؟ سیزجه بو مسئله اینصافسیزلیق اؤلچوسونون هاراسیندادیر ؟؟؟

5-ایران اسلامی دولتیندن اینتظار و بکلنتی واریمیزدی کی هرزامان و هر یئرده مسلمان و دیندار میللتینین آرخاسیندا اولوب و اونلارین حساسیتلرینی و غم کدرین سایقییلا قارشیلییا. آمما گؤرونور کی بو گون سیاست بونا قرار وئریب کی 3 میلیون ارمنی جانیلرینی الده ساخلاماق اوچون 35 میلیون ایرانلی تورک میللتینی و اونلارین تاریخی حادیثه لرینی تاپدالاماق و گوز آردی ائتمک گرکیر.

6- منجه؛ نظره ائله گلیر کی بومسئله نین ایکی سببی اولا بیله ر بیر : خاریجی سیاستلرده مستقل بیر سیاست ایزله مک یئرینه تاسفله دونیایا حاکم اولان استعمارچی گوجلرین ایستدیغی سیاست چئرچه وسینده حرکت اؤلونور کی بو ایران‌ اسلامی دولتینه یاراشمییان بیر فاکتوردور .. ایکی : همیشه ایران جغرافیاسینین بوتونلوگونه و بیرلیگینه چالیشان ایران تورکلرینین عکسینه فارسلارین ناسیونالیست اولان طیفی بوگونه قدر چالیشیب کی تورکلرین تاریخین محو ائده و حتی تاریخی حادیثه لری عکسینه چئوره تا تورکلرین مظلومییتلریندن تاریخده بیر ایز قالمیا و میدان تورکلری باشقا میللتلره دوشمان گوسترمگه آچیق اولا

7- ایللردی ارمنیلره بو مجوز ایسلامی دوولت طرفیندن وئریلمگی و بیر پارا شائبه لی ایشلری (ارمنستان دوولت باشقانینین خوجالی سوی قیریمی ایل دونومونده ایرانا دعوت اولماسی) نظرده آلاراق یقینه چاتیریک کی بو سیاست لری اجرا ائدنلر تاریخی گوزل اوخویوب و بیلیرلر. آمما تاسفله کی (فارس شوونیسمین) سیاستلرینین چئرچوسینده تورک دوشمانلیغی داها آچیق و داها آیدین گوستریرلر سانکی عمداً میدان اوخور گیبی بیر حاللری وار

8-سون سؤز : نظره ائله گلیر کی بو سیاستی رواج وئرنلر ایرانین و اؤزه للیکله تورکلرین ایچینده بو مسئله نین بوراخدیقی منفی و مخرب اثریندن یا خبرسیزدیرلر و یادا عامداً ایران جغرافیاسین یاخین گله جکده بیر بحرانا ساری هیدایت ائدیرلر.