بو گون تراختورلا پیکان یاریشیندا، تراختور بیر هئچه اوتوزدو فوتبال دا.

اما تراختور بیر فوتبال تیمی اولسادا، تیملیکدن ایره لی، آزربایجان میللتی اوچون، هویت و وارلیق مجادله سینین گئنیش بیر آلانیدی.

بو آلاندا اوتماقدا‌ وار، اوتوزماقدا وار آزربایجان اوچون.

آمما هویتچیلیک یورویوشونده، گلیشمه دیلر بو اوتوب اوتوزمالار.

ها بئله بیرلیک و دیریلیک یولوندا تعالی یاراداندیلار بو تجربه لر.

بو آرادا دوشمانجاسینا مانع یاراتماقلاردا، یئترینجه دولغونلاشدیریر بیزیم میللتی. اولسون کی سیخما بوغمالار، ویرماق دویمکلرده وار، بو مانع لرین سیراسیندا.

....
بو گون قوردلار دره سینده بیر یئنی درس آلدیق.

دوشمان یاتماییب، دوشمان آییقدی، دوشمان هر لحظه بیزی گودور. هر آتدیغیمیز آددیمی ایزلیر دوشمان.هر ایره لیله ییشیمیزی گورور و چکه بیلمیر. دوزه بیلمیر تورک میللتینین گلیشمه سینه. اونا گوره هر لحظه کی بیر بهانه اله سالا بیلیر، فرصتی فوتا وئرمدن، بیزی حذف ائتمگه چالیشیر دوشمان.‌ اوزوموزه گولمه گینه باخمایین، بو شیطان گولوشلرینه آلدانمایین.

اما بو آرادا، نه یازیق، بیزیم اوز میللتمیمیزدن اولان الی سیلاحلی قووه لریمیزده پان فارسیسمه نسنه اولماقدان هئچ ده چکینمیر. بلکه چکینیر اما چاره سیزدی.

یازیقلار اولسون.‌