سورقو: تراختور فوتبال تاخیمی (تیمی) و تراختور فوتبالی یانچیلاری و طرفدارلاری اوزره نظرینیز ندیر؟

جواب: هر بیر مملکتده، ولایتده، شهرده اولدوغو کیمی تراختور دا گؤرونوشده بیر فوتبال تاخیمی ساییلار. بورا قدر هر شئی یولوندادیر. آنجاق فارس ایستعمار حاکیمیتی ایران ممالیکی محروسه سینده هر شئیی فارسلیق اساسیندا گؤرمک ایستدیگی اوچون آذربایجان تورکلوگونه هر هانکی بیر ادبی، اجتماعی تشکیلاتلار یاراتماغا، اؤز دیل و مدنیتلری نین گلیشمه سینه و آذربایجان تورکلوگونه سسلرینی یئتیرمگه اجازه وئرمز. مسئله بئله اولدوقدا فوتبال طرفدارلاری دا بو مسئله-دن اتکیلنه رک و متأثر اولاراق بیر یئتیشیم (رسانه) وسیله سی دئیه تراختور فوتبال تاخیمی اویونلاریندا آذربایجان تورکلوگونون سسی اولماغا چالیشارلار. دئمک، فارس ایستعمار حاکیمیتی آذربایجان تورکلوگونه ادبی، اجتماعی فعالیتلره اجازه وئرمزکن آذربایجان تورکلوگو فوتبال مئیدانلارینی اؤز بوغولموش سسی دئیه قلمه آلماغا باشلامیشدیر. دئمک، تراختورون بیر فوتبال تاخیمی (تیمی) اولماسی نین یانی سیرا بیر یئتیشیم (رسانه) وسیله سی اولماسینی فارس حاکیمیتی اؤز ایستعمارچیلیق سیاستی ایله آذربایجان تورکلوگونه تحمیل ائتمیش و آدرئسلمیش مقامدا یئر آلار.

دئمک، تراختور تاخیمی بوگون آذربایجان تورکلوگو اوچون اودوب اودوزماق تاخیمی و تیمی دئییل، آذربایجان تورکلوگونون بوغولموش سسی اوچون بیر یئتیشیم (رسانه) وسیله سی ساییلار.