میللی چالیشقان اودورکی ایستادیومون جووینی یامان یووزدان اوزاقلاشدیریب و میللی شعورا و شعارلارا ساری یونه تسین.

تاسوفله بیر پارالاری آیدینلیق ایدعالاریلا بیرگه یا جهالتین دیبینده دیرلر یادا ایرقچیلیقا قارشی ایرقچیلیق ائدیرلر کندیلری. ایستادیومو میللی مطالبات یئری ائتمک لازیم. نه یامان یومان یئری. بو ایشیده میللی اینسانلار گورمه لی دیرلر. سوز قونوسو سادجه فوتبال مساله سی دئییل ، ایندیکی حاکمیت احزابی و تشکللاری قاداغا ائدیب.

بیز سؤزوموزو ایستیریک یا ایسته میریک تیراختور واسیطه سیله دونیایا چاتدیرماق زورونداییق. و تیراختورو ایراندا یاشایان تورکلر اوچون بیر اتحاد نقطه سینه چئویرمک لازیم. نئجه کی تورکمن لر، قاشقایلار، آذربایجان تورکلری تیراختورون واسیطه سیله قارداشلیق باغینی بیر داها تازالاییب گوجله ندیریب لر. یئری وار سوزو خییاباندا دئمک لازیم. یئری وار ایستادیومدا. هاردا بیر تریبون واردیسا اوندان فایدالانماق لازیم هره‌سی‌نین پتانسییلیندن اؤز نفعیمیزه فایدالانماق گئرک.

چوخ سؤزلری ایستادیوملاردا بللی کی دئمک اولماز. اولویت لری اورادا دئمک لازیم. میثال اولاراق حق تعیین سرنوشت میللت لر اوچون بیر حاقدیر جورم دئییل بنری آز سوز دئییل. بونو تیراختور اولماسا باشقا یئرده آچماغی راحاتجاسینا اولاجاق دئییل و چوخ زور و هزینه لی اولا بیلر، بونلاری آچانلار و بو ایشلری گؤرنلرده بیزیم میللی اینسانلاریمیزدیر و بیزلرده بونلار گؤرن ایشلر لازیم دیر. حاکمیت چالیشیر تیراختورو بو میللی مسیریندن اوزاقلادیب توپ سوییه سینه یئندیرسین. یامان و ربطسیز سؤزلر دیینلرده چوخونلوقو توپچو اولانلاردیر. بیزلر چالیشمالییق بو یامان یوویز ادبیاتی یئرینه میللی روحو و شعورو اورادا گوجلندیرک و بئله لیکله میللی موطالیباتیمیزی دونیایا چاتدیراق.