خوردادین بیری، ایران گونده لیگی نین ایهانتیندن دولایی باش توتان آکسییالارین(اعتیراضلارین) دؤنوش نوقطه سی(نقطه عطف) ساییلار،

نئچه گون اؤنجه دن بیلیم یوردلاردا اؤیره نجیلرین اعتیراضی لا تکجه خوی،مرند و... کیمی شهرلرده باش توتان دینج تظاهوراتلار، قاسیرغادان اؤنجه کی سوسقونلوغا بنزه ییردی، دئوریم لر(اینقیلابلار) بئشیگی اولان تبریز جوشوب داشدی، یوز مینلرجه ایگید دسته-دسته، راستا کوچه آغزیندان-بیلیم یوردا کیمی(آبرسانا)، آبرساندان-شهرین هر یانینا دولوب، تبریزین یاخین یوز ایلی نین تصویرین جانلاندیردیلار،

میللی شوعارلا قوجا شهرین مشروطه گونلرینی- آزادیستان حرکاتینی- میللی حوکومتی-

۲۱-آذری- خلق موسلمان لا شریعتمدار آغالی گونلری- ۷۴ ده اؤیره نجی سل آکسییالاری و بوتونلوکجه هرگون اوره کلر ایسته یی اولان دئوریمی جانلاندیردی،

تورکییه ده دئیرلر شهیدلر اؤلمز- وطن بؤلونمز،

آنجاق او گونلر بیزیم ایگیدلر شهید گئتدیلر، آنا دیلیمیز آرادان گئتمه سین،

قالخ آیاغا وطنداش تبریزده - اورمودا- سولدوزدا- مئشگین ده اؤلدو قارداش
هله ده گؤزومون اؤنونده شهید; هیمت اسمی زاده نین کؤکسوندن شیریلتی لا آخان قیزیل قان
توحید آذریونون آنان اوجا بویونا قوربان هارایی

و ۱۱ یاشلی حسین فتحی پورون جیبینده اولان نارینجک آدلی قورو آلچالاری

عسگر قاسیمی -

فرزاد اسدپور- عوض سیاهی - بهزاد و و و و و جلیل عابدی،

او چاغ دئییردیلر رحمتلیک جلیل عابدی دن بیر ایکی یاشلی قیز قالیب، بوگونلر قیزی بؤیویوب بو یازینی اوخودوغوندا آتاسی نین قهرمان اولدوغونو یئنی دن دویوب فخر ائده جک،

بوتون آنالاریمیز بالالارینا فخر ائتدیکلری کیمی

و بوتون آتا نازینا حسرت قالان شهیدلریمیزین سئویملی اوشاقلاری کیمی،

و...

۸۵/۳/۱ ; بیر دؤنوش نوقطه سی اولدو- تاپدالانمیش حاقلاریمیزی باغیرماغا،بیر میللتین اویانماغینا و آیدین بیر گله جه یه آددیم آتماغا...