اووشارلی نادیر شاهـدان بیر اؤیکو: افعان‌لارین سالدیریلاری قورتولماق بیلمیردی. نادیر‌شاه صفی‌خان آدلی باشچی‌سینی قوروق اوچون گورجیستان و آذربایجانا ساری گؤندرمیش ایدی.

نادیر شاه اؤزو نئیشابوردا خالقا قوناق‌کن افغانلارین سالدیری خبری قولاغینا چاتدی. یوک باغلاییب ارغیـیانا (بام و صفی آباد) ساری یولا چیخدی. یولـدان یئتیشنـدن سونرا باشچی‌سی صفی‌خانا بئله یازیب گؤندردی:

«بوگون جان، مال و ناموس تهلوکه‌ده‌دیر. ایشلری والی‌لره تاپشیریب اؤزونو تئز ارغیـیانا یئتیر.»

نادیر‌شاه ائسفرایینـدان گئچمه‌یی دوشونوردو. اونا گؤره ارغییانـین قوزئی‌یينه ساری یولا چیخدی. یولدا بتر یاغیش توتوب هر یانی سئل باسدی. بیر تپه اوستونـده سئلین آخیب گئچمه‌سینی گؤزلدیلر. یاغیش کسیلنـدن سونرا او یوردون خالقی شاهی ساییب سایغیلاماغا گلدیلر. نادیر شاه ایکی گون او بؤلگه‌نی اوتوراق ائتدی. ایکی گوندن سونرا ائسفراینا ساری یولا توشدو.

او یوردون خالقی نادیر شاهین سئوگی‌سینـدن نادیر‌شاه و اوردوسونون یئمگی اوچون قورولان اوجاغی آنی اوچون قورویوب قوتلادیلار.

او گوندن ۳۰۰ایلدن آرتیق کئچیر، هله‌ ده او اوجاق قورولودور. او کندین آدی‌ دا ساری اوجاقدیر.

او اوجاق گونوموزده مسجید اولوب‌دور. ساری اوجاق مسجیدی آدلاندیریلیبدیر.

*بو اؤیکويو ییلماز خوراسانلی آدینـدا خوراسانلی آراشتیریجی دیللندیريب‌دير. ییلماز بی اؤزو ساری اوجاق کندینـده دوغولوبدور.