مؤوسوم عرضین‌ده ۵۷ اویون کئچیرمیش «آرسئنال» کلوبونون هئیتین‌ده جمعی ۲۶ اویون‌دا ایشتیراک ائد‌ن هئنریخ مخیتاریان بیر آندا بوتون بریتانییانین «ان دیرلی‌سی»نه چئوریل‌دی. «ایدمان ایجتیمایتی» مخیتاریانین باکییا بوراخیلیب-بوراخیلماماسینی قلوبال بیر مسئله‌یه چئویردی.

یادینیزدادیرسا، ۲۰۱۵-جی ایل آوروپا لیقاسینین قروپ مرحله‌سین‌ده، آلمانییانین «بوروس‌سییا دورتموند» کومان‌داسی ایله عینی قروپ‌دا موباریزه آپاران «قبه‌له» ایله اویون‌دان اؤنجه ده عینی پروبلئم اورتایا چیخمیش‌دی. اما ندن‌سه، بو پروبلئم ۲۰۱۵-جی ایلده دونیا فوتبول ایجتیمایتی طرفین‌دن داها ساکیت و نورمال قارشیلانمیش‌دی و ائرمه‌نی فوتبولچونون باکییا گلیب-گلمه‌مه‌سی هئچ کیم اوچون ماراق‌لی دئییل‌دی. نظره آلساق کی، او مؤوسوم هئنریخ «دورتموند» کلوبونون ان اؤن‌م‌لی ۳ اویون‌چوسون‌دان بیری حساب اولونوردو و کومان‌دانین ۱۰ نؤمره‌سی ایدی، اوندا سوال یارانیر: ۲۰۱۵-جی ایلده مخیتاریانین باکییا بوراخیلماماسی دونیا فوتبول ایجتیمایتی اوچون نیه بو قدر بؤیوک اهمیت کسب ائتمیردی؟ ایندی، «آرسئنال»دا داها چوخ احتیاط اویون‌چولار سکامیاسین‌دا اوتوران مخیتاریان نیه ماتاها مین‌دی؟

***

فینال‌دان بیر گون اؤنجه - یعنی ۲۸ مای گونو اینگیلیس خبر سایتلارین‌دا بیر ویدئو اورتایا چیخ‌دی. آذربایجان پولی‌سی باکی بولوارین‌دا مخیتاریان فورماسی ایله گزه‌ن بیر «آرسئنال» آزارکئشینی ساخلاییر و اوست روتبه‌لی شخصلرله دانیشدیق‌دان سونرا پولیس آزارکئشی بیر نئچه سانییه‌لیک یولون‌دان ائتدیینه گؤره عذر ایسته‌یه‌رک بوراخیر.

ایندی سیزه سوال وئریرم: او فورمانی گئییب-گزه‌ن «آزارکئشی» کیملر چکیردی و بو چکیلیشی درهال اینگیلیس کاناللارینا کیملر اؤتوردو؟ آذربایجانین رئسپوبلیکا گونون‌ده ائرمه‌نینین آدی یازیلان کؤینیی گئیینیب، باکینین گؤبیین‌ده کلوونلوق ائتمیین آنلامی ندیر؟

نه دوشونوردولر؟ دوشونوردولر کی، بیر آذربایجان‌لی پاتریوت اسبیلشه‌جک و باکی بولوارین‌دا مخیتاریان کؤینیی گئیه‌ن «آزارکئش»دن وار و یوخونون نئجلیینی سوروشاجاق؟ و بو داوانی اینگیلیس کانالی درهال تیراژلاییب یایماقلا بیزیم نئجه وحشی اولدوغوموزو ثبوت ائد‌جک؟

ادعا ائتمیرم کی، پروووکاسییا باش توتمادی: اونلاردان «آرسئنال»این بایراغینی آلیب، ترس توتاراق شکیل چک‌دیره‌نلر اولدو و اولمالیی‌دی دا. ایندی ده بو بایراغین نئچه ایللیک اولدوغو حاق‌دا خبر یاییرلار...

اونیل‌لیک بایراغی نیه پروووکاسییا آلتی ائدیردینیز کی؟ و عمومیتله، دوغرودان‌می او بای‌راق اونیل‌لیک‌دیر؟..

***

بو گون ۲۳:۰۰-دا باشلایاجاق اویونا قدر «آزارکئش» کیمی اؤلکه‌میزه گلنلردن کیمین‌سه یئنی پروووکاسییا حیاتا کئچیرمه‌یه جهد ائتمیجیینی کیم‌سه دئیه بیلمز. اونا گؤره سون درجه تمکین‌لی اولمالیییق.

بیر داها تکرار ائدیره‌م: «آرسئنال»-«چئل‌سی» اویونونا لذتله باخین، اما اویونا دوشمیین!