جاواب: انسان هانکی دیلده درس اوخور و تربیت آلارسا، او دیلده بیلینج و شعورا مالیک اولار. بو باخیمدان ایستعمارچیلیغا تابع توتولموش توپلوم و جمعیتلرین انسانلاری اؤزگه و بیگانه بیر دیلده تعلیم و تربیت آلدیقلاری، اؤز ملی و مدنی تاریخلریندن خبرسیز اولدوقلاری اوچون ایستعمار دیلی و مدنیتی بو انسانلارین ذهنیتلرینده ملکه اولماغا باشلار. بو اوخوموش ائلیت و ساوادلی کسیم اؤزونو حاکیم ایستعمارچی فرهنگه یاپیشدیرماقلا اؤزونو داها دا گلیشمیش و مدنیلشمیش قلمه آلارکن اؤز دیل و مدنیتلرینه منسوب اولموشلاری مدنیتسیز، حتی بعضی حئیوانلارا دا بنزتمیش قلمه آلار. تورکلره وئریلمیش پیس صفلرین چوخو دا فارس مدنیت راسیستلیگی نین قربانی اولموش آذربایجان رئیس آموزش و پروش رئیسی اولموش محسنی و آذربایجان اوستانداری اولموش عبدالله مستوفی طرفیندن اورتایا آتیلمیش. بو چیرکین ایفاده لر فارس مأمورلاری طرفیندن تیکرار اولاراق تورکلری تورک اولدوقلاریندان اوتاندیرماغا و ملی تئرورا معروض قویماغا یول آچمیش.

ورکلرین فارس مدنیت راسیستلیگی خدمتینه آلینماسی مسئله یه دوغرو باخارساق، اونلار ین فارس مدنیت راسیستلیگی نین قربانلاریندان اولدوقلاری نین ایضاحی ساییلار. بو قربانلار اولدوقچا بیلینجسیز و شعورسوز اولدوقلاری اوچون فارس ایستعمارچیلیغی اونلاردان بیر وسیله کیمی تورک دیلی و مدنیتی نین علیهینه استفاده ائتمگه چالیشار.