"ایران دؤلتی ملتی" آنلاییشینی "بیر دیل، بیر دؤلت" دئیه فارسلیق اساسیندا ایفاده ائتمک منظور اولونموش

سورقو: محمدجواد ظریف، ایران نین خاریجه ایشلر ناظری دئمیش: "امروز در کشور ما اقوام، ملیتها، زبانها و گویشهای مختلف را نداریم". بئلنچی بیر ایفاده هانکی اساسدا اورتایا قویولابیلر؟

جاواب: بئلنچی ایفاده لر پان ایرانیست و فارس مدنیت راسیستلری طرفیندن ایستر پهلوی شاهلیغی و ایسترسه ده جمهوری ایسلامی زامانیندا دؤنه دؤنه تیکرار اولارکن محمود افشار یزدی نین وئردیگی تئوری و تئزه اساسا "ایران دؤلتی ملتی" آنلاییشینی "بیر دیل، بیر دؤلت" دئیه فارسلیق اساسیندا ایفاده ائتمک منظور اولونموش. فارس حاکیمیتی نین کابینه سینده "مشاور رئیس جمهور در امور اقوام و اقلیتهای دینی و مذهبی" دئیه بیر مقامین اشغال اولونماسی محمد جواد ظریف بیر سیاسی دؤلت آدامی اولاراق فارس ملیتچیلیگینی کؤروکلمه سینی اورتایا قویار. باش بیلن دؤلت آداملاری چتین گؤنلرده بوتون خالق کیتله سینی ایچرمیش و احاطه ائتمیش ایفاده لر ایله چیخیش ائدرکن "ایران دؤلتی ملتی" بیلینجی و شعورونا مالیک اولموشلار ایسه، فارسلیغی کؤروکلمگه چالیشارلار. بئلنچی یاناشماقلار و چیخیش ائتمکلر فارس حاکیمیت مسئوللاری نین زامان آخیشی ایله داها دا فارس ملیتچیلیگی پوزیسیونوندان چیخیش ائده جکلرینی و فارس اولمایان دیل و مدنیت صاحابلارینی فارس حاکیمیتیندن اوزاقلاداجاقلارینی، ایران ممالیکی محروسه سی نین "ایرانستان" اولاجاغینا یول آچاجاقلاریندان خبر وئرر.