چینگیز داغلاری‌نین اتگینده ۱۸۴۵-جی ایلده دونیایا گؤز آچان آبای، ۱۹۰۴-جی ایلده حایاتلا ویدالاشدی. آدی ابراهیم ایدی، آما آناسی اونو آبای چاغیراردی. آبای دیقتلی و احتیاطلی آنلامیندادیر. سانکی آناسی بو ساریشین اوغلانین گله‌جکده بیلگین بیریسی اولاجاغینی بیلیرمیش.

او هله اوشاقکن آباسیندان قازاق شفاهی ادبیاتینی تمامیله اؤیرندی. آبای ایلک تحصیلاتدان سونرا، چئشیدلی ندنلره گؤره مکتب و اوستاد گؤرمه‌ییب تک باشینا اوخوماغی ترجیح ائدیب معاصیر قازاق یازیلی ادبیاتی‌نین قوروجوسونا چئوریلدی. او یازیلاریندا قازاق خالقی‌نین آخسارلیقلارینی گؤسترمه‌يه چاليشميشدير. آبایین قازاقلارا وورغولادیغی سؤز بو ایدی: ائي منيم خالقيم، بو قدر طبيعي ثروتيميز اولدوغو حالدا نييه يئنه بئله يوخسوللوق ايچينده ياشاييريق؟