جواب: زامانیمیز دیل و مدنیت چاغی اولدوغو اوچون "ایران" آدی آلتیندا مختلیف دیل و مدنیت صاحابلارینی فارسلیق توتساق و زیندانیندا ساخلایابیلمک ایمکانسیز بیر بویوتا، دوروما و وضعیتلره یول آچاجاق گؤرونر. بئله بیر دوروم و وضعیتده انسانلاریمیز اؤز دونیا گؤروشلریندن آسیلی اولمایاراق تورک دیلی و مدنیتینی اساس گؤتورموش اجتماعی و سیاسی تشکیلات یاراتماقلاری خالقیمیزین باشی آچیق قالماماسی و گلجکده بو تشکیلاتلار بیر سیاسی اهرم اولاراق خالق منافعینی ساوینابیلمه لرسی اوچون قاچینابیلمه یه جک بیر واسیطه ساییلار.

دئمک، آذربایجان تورکلوگو یاشادیغی یئریندن آسیلی اولمایاراق اؤز دیلی و مدنیتینی اساس گؤتوره رک تشکیلاتلانابیلرسه، گلجکده ایران ممالیکی محروسه سی نین ائتنیک چاقناشماسیندا قونشولاردان گله بیله جک زیان و ضررین قاباغینی آلابیله جک بیر مقامدا اولاجاقدیر. ترس دورومدا غرب آذربایجاندا ایستر جلولولار حرکتی و ایسترسه ده 1358 اینجی ایل کورد تشکیلاتلاری طرفیندن مضیقه یه اوغرادیغی کیمی باشقا قونشو خالقلار طرفیندن ده باسقییا اوغرامیش بیر مقامدا یئر آلاربیلر.

دئمک، یاراناجاق بیر قاریشیق فضا و موقعیتده آذربایجان تورکلوگونون پریشان بیر وضعیته دوشمه سینی ایستمزسک، آذربایجان تورکلوگونون دیل و مدنیت اساسلی تشکیلاتلانماسی واجیب ساییلار.