سورقو: سانال و مجازی دونیانین ایمکانلارینا باخیشیز نئجه دیر و ملی حرکتین آماجالارینا سانال دونیا‌نین نه کیمی منفعت‌لری اولدو و یا وار؟ سانال دونیا اولماسایدی، نه چتینلیک‌لر چکردیک؟

جواب: سانال و مجازی دونیانین ایمکانلاری آدلاریندان دا بللی اولدوغو کیمی سرحد تانیماز، ایشیق و نور سرعتی ایله بیلگی آلیش وئریش ایمکانی انسانلارا یارتدیغی اوچون، ایستر، ایستمز، آذربایجان ملی حرکتی ده بو ایمکانلاردان فایدالانمیش و فایدالانماغا چالیشار.

سانال و مجازی دونیادا بیلگی آلیش وئریشی ایمکانی اولمازسایدی، ایران ممالیکی محروسه سینه "حاکیمیت ملی" دئیه حاکیم اولموش فارس ایستعمارچیلیق مفکوره سی نین مونوپول حؤکوم سوردوگونو نظره آلدیقدا، فارس نئهیلیستلیگی یوخوسونا دالمیش آذربایجان تورکلوگونو بو غفلت یوخوسوندان آییندیرماق، اونو اؤز ملی منلیگی و کیملیگی ایله تانیش ائتمک اولدوقچا چتین ساییلاردی. بئله بیر آغیر و آجیناجاقلی دورومدا حضرت اینتئرنئتین عقله سیغماز ایمکانلاری ایستعمارچیلیغا تابع توتولموش توپلوملار، او جومله-دن گونئی آذربایجان تورکلوگو اوچون بیر گؤرونمز و غئیبی کؤمک مقامیندا یئر آلمیش اولدو. بئله بیر ایمکانلارین وار اولماسینا باخمایاراق دیل و مدنیت بیلینجی و شعوروندان ساغیلمیش بیر چوخ انسانلاریمیزی ملی مسئله نین ماهیتی ایله تانیش ائتمک گئنه ده چتین اولماسینا باخمایاراق، App-لر (تلگرام، واتس آپ، این لاین، اینستگرام ....) واسیطه سی ایله اجتماعی شبکه لرین یارانماسی بیر چوخ انسانلارین کار قولاقلارینی ائشیتمگه و گؤزلرینی گؤرمگه زورلامیش اولدو.

دئمک، ملی دوشونجه و مفکوره نین توخوملاری سپیلدیگی، بو مسئله خالق کیتله سی آراسیندا کؤک سالدیغی اوچون آذربایجان ملی حرکتی اؤز ثمره و نتیجه سینی وئره جک دئیه دوشونمک و دورمادان خالق اجتماعیتینی ملی منلیک و کیملیگی ایله تانیش ائتمک، اونلاری کیم اولدوقلارینا دوشوندوره بیلمک، بو آغیر و چکیلمز یوکو بیرلیکده داها دا راحات مقصده داشییابیله جگیمیزه ایمکان یاراداجاقدیر.
گلجک بیزیمدیر. یاشاسین گلجک!