Axar.az
یوخاری
8 آپرئل 2020


توسباغالار یا کپنک‌لر؟!

آنا صحیفه یازارلار
12 Punto 14 Punto 16 Punto 18 Punto

توسباغالار ایله ایپک قوردلارینین درس کیلاسلاری فرقلی‌دیر. توسباغالار اون ایکی ایل، باراما قوردلاری ایسه، اون ایکی گون درس آلمالیدیرلار. توسباغالار بو اون ایکی ایلین هر بیر ایلینی دالیدا قویوب، یئنی درس ایلینی باشلایان گونلر، چاناقلاری بیر داها دا قاتلانیر. چاناق قاتلاندیقدا، توسباغالار داها دا قینلارینا سیغیشیرلار و قورخو بوتون جانلارینی بورویور. اونلار توسباغا قالیر، گونو -گوندن چاناقلاری قالینلاشیر و گؤرکملری ایسه کیفیرلشیر. آنجاق ایپک قوردلاری، اؤز کامیللشمه کیلاسلاریندا، توت یارپاقلارین یئیرکن، پیله‌لرینی قات – قات یئره قویوب، گؤیلره قالخماق درسینی مشق ائدیرلر.

هر پیله، باراما قوردلاری‌نین جانیندان قوپاراق، اینجه و یوخا ایپک تئل‌‌لری‌نین یارانماسی گؤرونور و قورتاراجاق زامانی، چیرکین یا خود هئچ بیرگوزه‌للییی گؤزه چارپمایان ایپک قوردلاری‌نین بیر – بیری اوستونه قالانمیش قالاقلارین آراسیندان، آل – آلوان، ناخیشلی و اینجه قانادلی گؤزل کپنک‌لر، قاناد چالا – چالا گؤیه اوچورلار.

داش چاناقلی توسباغالار اون ایکی ایل؛ گؤزل قانادلی کپنک‌لر ایسه، اون ایکی گونون بویا – باشا چاتدیقلاری‌دیرلار.

حیاتین و اؤیرنیشین هم بویو، هم ائنی، هم ده اوجالیغی واردیر. توسباغالارین کیلاسلاری‌نین‌ بویو اوزون، ائنی آز و اوجالیغی داها آز دیر. کپنکلرین کیلاسلاری‌نین بویو قیسا، ائنی آز و اوجالیغی اوستون‌دور.

حیاتیمیزدا، اوشاقلاریمیزی توسباغالار یا کپنک‌لرین کیلاسلارینا یوللامالییق؟ تربیه‌میز توسباغا سایاغی یا کپنک گؤرکمینده اولمالی‌دیر؟!‌هانسی‌سینی بینیرسینیز؟ نییه؟!

تاریخ
2019.08.13 / 21:15
مولف
دکتر مرتضی مجدفر
شرح لر
دیگر خبرلر

تورکمان لیدئر: آبش-دان سوله گؤزلییردیک، قان گتیردی - ویدئو

تاریخ‌سازی با اوامر ملوکانه!

چرا باید از حاکمان چین ترسید؟

ارمنستان در مورد تالش به چه چیزی می اندیشد

ورونا کیمی ولایتمدار بیر ویروس!

قیزیم ائوده قالماق گؤزلدیر

من با کشتن خیابانی خدمت بزرگی به ایران کردم!

نگاهی مختصر به رابطه مسکو وجمهوری آذربایجان

روزی درمیدان ساعت تبریز خواهم رقصید.

«طوفانلی تبریز» - بئشینجی بؤلوم

خبر خطّی
 
Axar.az'da reklam Bağla
Reklam
Bize yazin Bağla