بو گون امام حسین (ع) اولسایدی دییردی : ای اینسانلار منیم حالیمه یوخ بلکه اوز احوالینیزه آغلایین . منیم آئیله مین حالینه یوخ بلکه ظلم الیندن ایتگین و آواره اولان مینلرجه آئیله نین احوالینه آغلایین . قاراباغ دان سورگون توشن شیعه لرین احوالینه آغلایین .

ای موسلمانلا. تکجه منیم اوشاقلاریمین حالینه یوخ بلکه یوزلرجه ظلمی له ، وحشی و قددار ارمنی لرین اللریله اولدورولن مظلوم سوت امر علی اصغر و بالاجا سکینه لرین احوالینه آغلایین.

ای اینسانلار و ای موسلمانلار ؛ من ایسته دیم سیزه اویردم کی دینچی ده اولماساز ، باری آزاده اولون . آزاد و باغیمسیز یاشایین . برده لیق و ایسارت ایپین بوینونوزدان آچیب ، ظالیملرین قارشیسیندا باش ایمه ییب و تعظیم ائدمه بین نیه کی دونیادا ظالیملری توردن مظلوملار اوزلریدی لر .

ای اینسانلار من کربلادا «هل من ناصر ینصرونی » (آیا کیمسه بیزه یاردیمچی یوخدور ؟) دیین زامان اوزومه و آئیله مه یوخ بلکه اینسانلیغا و سیزلره یاردیم ایسته دیم . ای اینسانلار ، اینسانلیق اولمک اوزرینده ، اونا یاردیم ائدین نیه کی اینسانلیق اولن زامان ، یاشام دا اولور .

بو گون امام حسین (ع) اولسایدی دییردی ؛ ای اینسانلار اوز اصالت و کیملیک ینیزدن میراغات اولوب و حفظ ائدین . اوز دیل ، تاریخ و یوردونوزا صاحیب چیخین .

اوز توپراقلارینیزی که دیل و تاریخینیز کیمی سیزه کئچمیشینیزدن میراث قالان قیمتلی نعمتلردی ، ایکی تومن پارا و پولا گوره یابانچی لارا ساتمایین نیه کی بیر گون یئتیشر و همان یابانچی لار سیزدن آلان توپراقلاردا اوز حکومت لرین قوروب و باشقا بیر اسرائیل و ارمنستان بو دفعه سیزین ساتدیغینیز توپراقلاردا قوراللار و او زامان دی کی گره ک فیلیسطین و قاباغ لی لار کیمی اوز ائولرینیزدن سورگون توشه سیز .

ای اینسانلار تاریخدن عبرت آلین نیه کی تاریخ اینسان اوچون ان بویوک و
ده یرلی معلیم دی .

ای اینسانلار منیم و آئیله مین حالیته یوخ بلکه اوز احوالینیزه آغلایین .