چاناققالا بوغازیندا گمیلرین حرکتی دایاندیریلدی
25 آپرئل 23:26
آنا صحیفه یازارلار |
کولت. آز احمد درگاهینین "گؤردوم " آدلی شعیرینی تقدیم ائدیر:
ایلاهی آتامین آرخاسین یئره-
جناب عزرائیل ییخاندا گؤردوم.
چؤکدو سینهسینه آمان وئرمهدی،
ال آتیب بوغازین سیخاندا گؤردوم.
چات – چات داماریندان قارا قان آخدی،
ایچینده آغلاییب، نیسگیللی باخدی،
آخینمیش گؤزلری یاندیریب یاخدی،
اؤلومله گؤز-گؤزه باخاندا گؤردوم.
اورهیی دایاندی، تیترهدی دیزلر،
دوداقلار باغلاندی، حبس اولدو سؤزلر ،
حیاتا گؤز یومدو مهربان گؤزلر،
سونونجو نفسی چیخاندا گؤردوم.
بو باهار باغچانی گوللندیرمهدی،
سسسیزجه درد چکدی، بیللندیرمهدی،
سون بئشیک اوغلونو ائولندیرمهدی،
اریییب شام کیمیآخاندا گؤردوم.
دونیا بو قدر ده آف – توفا دیمز،
بو آدام اوغروسو قاپینی دؤیمز،
شاها دا، قولا دا هئچ بویون ایمز،
نه گؤردوم آی آللاه؟ اوووخ، آندا گؤردوم .
تاریخ
2019.09.10 / 14:24
|
مولف
حسن کریمزاده
|