آنا صحیفه یازارلار |
بیزیم اساس مسئله میز ندیر؟ نه اوچون مجادله ائدیریک؟ مجادله میز هانسی بویوتدادیر؟ مجادله میزده هانسی یؤندملری ایشله دیریک؟ بیر ایللیک، بئش ایللیک و اون ایللیک آزربایجان میللی حرکتی نین پلانلاری نه دیر؟ قیسساجاسی سیاسی دوشونجه میز هم حرکت اولاراق هم ده توپلوم اولاراق نئجه بیر وضعیتده دیر؟
بونو اعتراف ائتمه لییک آزربایجان میللی حرکتی نین توپلوم اوزه رینده کی گوجو حاکمیت و باشقا مخالیف قروپلار ایله توتوشدورولدوغو زامان آزدیر. چونکو اونلار توپلوما اولاشما یوللاریندا ماددی باخیمدان بیزده ن گوجلودورلر. ایقتیصادی گوج ائنتلکتوئل گوجو و عئینی زاماندا اوره تیم گونوجو نه اؤزو ایله بیرلیکده گتیریر.
آزربایجان میللی حرکتی نین بو باخیمدان بیر تک سرمایه سی وطن آنلاییشی و میلللی کیملیگینه اولان اینامیدیر. ایندی ایسه بو دورومدا ایلک اؤنجه بیز سیاسی دوشونجه میزی نئجه یاراتمالییق و اونو توپلوما نئجه یئتیشدیرمه لییک؟
گونوموز قوشوللاری و بیلگی چاغینین گلیشمه سی نه ایسه کی بیزیم دادیمیزا چاتیر بو دورومدا. سیاسی دوشونجه نین اولوشومو تاریخسل اولاراق قارماشیق سیاسی تئوریلردن یوخ بلکه داها عوامین دوشونجه سیندن قایناقلانیر. اونا گؤره بیز ده سیاسی دوشونجه میزی اوچ اؤگه اوزه رینده قورمالییق. توپلوموموزو یاخیندان ماراخلاندیران اوچ اؤگه: وطن، آزادلیق و عدالت.
بیزیم باشلیجا سورونوموز وطنسیزلیکدیر. ایران حاکمیتی و مخالفلرین گؤزونده بیز ایرانلی دئییلیک. بیز یابانجی ییق. اوندان دیلیمیز و میللی کیملیگیمیز یاساقدیر. آزادلیق گونوموز اینسانی نین ان تمل احتاجیدیر. دونیادا بیر چوخ اؤلکه یوز ایللر اؤنجه آزادلیغی یاشارکن بیز هله ده اوندان یوخسونوق. عدالت ایله توپلوم ایچینده بیرلیک و اینام یوکسه لیشینی ساغلار. بیز نه ایش گؤرورسک بو اوچ تمل اوزه رینده ده یرلندیرمه لییک. بو اوچ گؤزلوک ایله دونیایا باخمالییق. او زامان توپلوموموزدا سیاسی دوشونجه یاراناجاقدیر.
بو حاقدا یئنه یازاجاغیم.
تاریخ
2020.02.18 / 22:57
|
مولف
احمد برقعی زاده
|