آدینی ترور ائدیرلر

آدینی گودورلر

آدینی گولـله‌­­له‌­ییرلر...

آدین ایلقارا سئوگیناز

ناظیم حیکمته «وئرا»

آدینی قویاق خانیم ناز

علی کریم

حسین جاوید

میکاییل مشفق

آدین مالکوم‌ایکس

لورکا

اوختای زهتابی

آدین عاشیق ماهنی‌­سی اوخونور حسین جاوانین بوغازیندان

آدینلا دانیشیر فریدون ابراهیمی آذربایجاندان

آدین حلاج­‌دیر, کسسگ آتیرام!

آدین نسیمی­‌دیر, سویولور مئیدانلاردا

گؤیلومون حلبینده سویوندوردوغوم گئجه تک!

آدین شریعتمداری­‌دیر, فانات‌لار بوغور

آدین من،

دوستاق

ائوین...

آدین لوایی‌­دیر, گؤزوندن دوغولور

آدین زیبا کرباسی­‌دیر, یوخوما گیریر

آدین هئچ زاددیر

قوجاغیمدا لوله‌له­‌نیر...

قان- تر ایچینده چالینیر کسمه‌شیکسته آدین

آدین قاراچای­‌دیر سورگونده اؤلور

سن بانی‌چیچک،

شاصنم

سن گولگزسن, شاه عابباسا زوررانیرسان

آدین دموو...چولاردیر زینداندا یاتیر

آدین دمو + کرات

آدین سئوگی، سئوگیناز

آدین سولمازدیر, خزره محکوم و بیر موغانلی­ شاعیردیر داماندا قالیب

آدین نازدیر، آدین آز...

آدین آزاد، آزاد ناز...

آدین سیدجعفردیر, گؤیلومدن قاچیر

آدین آزادلیق‌­دیر, گؤیلومه دوشور

آدینی ترور ائدیرلر

آدینی گودورلر

آدینی گولـله­‌له‌­ییرلر...

آدیندان موغایات اول جانیم!..