کولت. آذ اسماعیل جمیلینین "قادین "آدلی شعیرین تقدیم ائدیر:

قادین قانادی سئوگینین

قولو سئودانین

گولون گولوشو ، گونشین اؤپوشو

آنا جلالیله تانرینین گؤروشو

جانیندا جانلار بسله ین

مغرور بویلو دوروشویله

منله حیات ایره لییر سسله ین

قادین

یاشامین کئشیگینده ، لایلا لایلا

درده دؤزه ن گوله گوله

یاوروسونون بلاسینی باغرا باسان بیله بیله

قادین

گوموش ساچلی

عومرون آغیر یوللاریندا یلماز آنام

گووه نیم ، یخیلماز قالام

مارال گؤزلو ، شیرین سؤزلو

ایپک ساچلی گؤزه ل بالام

قادین

منده ن منی منسیز آلان

گوی قورشاقی دویغوسیله

حیاتیما نور جالایان

آنا م ، قیزیم ، قیز قارداشیم

سئوگیلیم ، سئودالیم ، سئرداشیم

قادین گؤزه للیک تانریسی

منی بوتونله ده ن یاریم ، حیات یولداشیم