بیر نئچه گون اؤنجه بؤیوک روس شاعری سرگئی یسنینین آنادان اولماسین‌دان ۱۲۴ ایل اؤتدو. شاعرین بیر نئچه شعیرینی تقدیم ائدیریک:

گئجه‌یه باخ! معجزه‌دیر گؤیده آی،
عرشه چکیلیب‌دیر یوخوم بو گئجه.
کؤنلوم کئشیکچیدیر سانکی هارایلار
سولوب گئدن گنجلیگی‌می گیزلیجه.

سن ای بوز ایللرین کؤنول سیرداشی،
محبت دئمه گل هر بیر اویونا.
قوی بو آی ایشیغی هر آددیمباشی،
سالسین شؤله‌سینی منیم بویوما

هئچ ندن قورخمادان، هئچ دوشونمه‌دن
قوی آیین ایشیغی چکسین شکلیمی.
اونسوز دا اونودا بیلمه‌یه‌جکسن،
نئجه کی، سئوه ده بیلمدین منی.

حیات‌دا بیر دفعه سئورلر، دوزو
اونونچون بو قدر یادسان سن منه.
هدر یئره جؤکه چاغیریر بیزی،
باخ گیریب یئنه ده قارین ایچینه.

آخی هر ایکیمیز یاخشی بیلیریک،
بو ماوی گئجه‌ده، آی ایشیغین‌دا،
جؤکه‌نین اوستونده یوخدو بیر چیچک،
قار-قیروو گؤرونور هر یارپاغین‌دا.

(ترج. عیسی‌خان عیسی‌خان‌لی)

***

تور کیمی مئشه‌نی بورویوب بولود،

خوش ایلی دومانین دوداقلاری نم.
او دوغما یئرلردن اوزاق‌دا قالان
کیرلی بیر واغزال‌دان چیخیب گئدیرم.

مئشه ده قم‌لی بیر یوخویا گئدیب،
باشین‌دا یای‌لیق وار سانکی او شامین.
منیم اورییمین عذابلارینی
بو قم‌لی وطن ده اؤپوب اوخشامیر.

بوزوشوب کدردن چوت باجی کوکنار،
اوخویور آت چاپان گؤزون‌ده کدر:
"اؤل‌جه‌م بیر مهبس یاتاغین‌دا من،
ائه، منی هارداسا دفن ائد‌جکلر…"

چوخ‌دان قلبیمیزده یوخ‌دو مهببت،
اونوتدوق سئوگینین نه اولدوغونو.
ایندی بیزیم اوچون بوش شئی‌دیر البت،
اویناماق بو اوجوز عشق اویونونو.

ما هر نه اولسا، قوجاقلا منی،
قرق ائیله او ساختا اؤپوشلرینه.
قوی چکیل‌سین داها قلبیمین چنی،
قوووشوم اب‌دی مهببتیمه.