Axar.az
یوخاری
17 فئورال 2020


سن منی سئوسیدین… سئوسیدین اگر...- شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ مممد آرازین "سن منی سئوسیدین..." آدلی شعیرینی تقدیم ائدیر:

سن منی سئوسیدین نولاردی گؤره‌ن؟
گؤره‌ن اولاردیمی بیر دردیم اوندا؟
یورولدوم دئمه‌دن قولوم اوسته سن
دونیانی پیادا گزردیم اوندا.

توخالار، آزالار بو سئوگیمیزدن
دونیانین محبت آجلاری بلکه،
تزه حاشییه‌لر آلاردی بیزدن
دونیانین محبت تاجلاری بلکه.

بیزیم باشیمیزا هی النردی
آلقیشلار. تبریکلر، دعالار-بیزیم.
بیزیم بختیمیزه سپلنردی
ان دورو، ان تمیز شعالار-بیزیم.

لپه‌لر گؤز آلیب باخار دنیزدن،
سولار مهریمیزه حسد چکردی.
اولدوزلار بیرجه یول پنجره‌میزدن
ایچری باخماغا حسرت چکردی.

دئدیم کی، گؤیرر بیر لیلی پؤهره،
مجنون بیر سحرین گؤزون‌ده گلر.
ساچینی تور ائلر ساحل‌ده زؤهره،
طاهر لپه‌لرین اوزونده گلر.

سن منی سئوسیدین… سئوسیدین اگر...
کیم اولوب بختیار قورو آد ایله.
حیات‌دا «اورکلش»، «سئولش» دئمیرلر،
آیاقلاش دئییرلر بو حیات ایله...

تاریخ
2020.01.14 / 21:03
مولف
Axar.az
شرح لر
دیگر خبرلر

طنز بویوک آغا افندی - حکایه

من صوفیلر یولداشییام... - شاه ایسماییل

کاش سن ده اوشیئیدین بئله مخلوق کیمی... - میرزه علی

آنا، نیسگیل ائدیرم من سنه ساچلار آغاریب...

کاسا دوشدو طاقچادان، داغیلمیشدی ائو ائشیک... - اوشاق ادبیاتی

تبریزین کؤکسونه اولدوزلار تاخسام- شعیر

تبریزین جیلدینه گیریر مشروطه چاغیم - شعیر

قلبیم‌دن وورولموشام، یارالییام، ایستانبول - شعر

ایپک ساچلارینی بیر واخت اوخشایان- شعیر

شم‌سی تبریزی آفوریزملری

خبر خطّی
 
Axar.az'da reklam Bağla
Reklam
Bize yazin Bağla