کولت. آذ ایوسیف برودسکینین بعضی شئیرلرینی آفاق شیخلینین ترجمه‌سین‌ده تقدیم ائدیر:

گئت آرتیق، گئت آرتیق، گئت اوزاقلارا...

اؤزون‌دن-اؤزونه نه قویدون گئری؛

بو ایلیق فینجان‌دا قاتیب-قاریش‌دیر

آجلیغی، گونشی و اؤلوملری.

گؤره‌ن، نه اولاجاق عشقیمین سونو،

یاخشی دولدورورسان یاریمچیقلاری.

سن کی، بوراخمازسان تالئیه بونو،

قازاخ دیارین‌دا ایچرسه‌ن باری.

آغلیم دا قاورامیر بو اوزاق‌لیغی،

بلکه یازا بیله‌م یادداشیما من...

سؤزلره، ائولره، یا تانیشلارا

اینانیب، آرخالان، آردین‌دا گیزله‌ن.

ایلک دفعه، بو دفعه، یوز یول، هله ده

کوسوب، گلجیی قیناییریق بیز.

اینسان نئجه وارسا، قالیر ائله ده -

بیر قیشقیریق کیمی دونیایا گلن،

بیتمه‌یه‌ن یوللارلا اؤزونو یئنه‌ن،

اب‌دی زولمت‌ده اریییب ایت‌ن...

هئییف کی، بونو گئج آنلاییریق بیز!..

***

لئی‌سان حیات وئریر بیر دؤنگه‌ده‌کی

توز-دومان ایچین‌ده سؤنه‌ن چیچه‌یه.

اقربلر بئلینی سیخیب اورتادان،

اونو بیر روبابا بنزه‌دن زامان؛

سککیزی صیفیرا بؤله‌ن قایچیتک -

آخشام دا بو گونو بؤلور ایکییه.

گیتارا اوستونه تؤکوله‌ن زولفلر

سیملرله بزنمیش قریفه بنزر.

الی یای‌لیغینی تومارلاماق‌دا...

کدر ده ایچی‌می یئییر بایاق‌دان -

چینینه توخونوم، یوخ‌سا تئلینه.

منه نه قالاجاق بون‌دان ساوایی.

یالنیزیق بورادا. تالعین پایی:

ایری بارماق‌لیق‌لی مهبس ایچین‌ده

ظلمت‌دن گؤزومه دیکیله‌ن باخیش،

اورتاق هئچ نییمیز داها قالمامیش...

***

کند یئرین‌ده الله هئچ ده کونج‌ده دئییل

(ریشخندچیلر ائله دئییر)، هر یان‌دادیر.

او، ائولری، اشیالاری آیدینلادیر.

او قدردیر! - هر بیر دامین باجاسین‌دا،

یاری بؤلور ائولری ده، ائوسیزلرین آراسین‌دا.

تؤکمه دمیر قازانلاردا

مرجیمک ده بیشیریر او،

گؤز ووراراق وارلیغینین شاهیدینه،

اوددا هزین رقص ائدیر او.

یئری گل‌سه، دیوار هؤرور، هاسار چکیر،

بیر قیزی دا آتا کیمی، اره وئریر.

اووا چیخ‌سا یولدانؤته‌ن، اؤلدورمکچون هوه‌سینی،

یاییندیریر گوله‌سینی.

نه قالاجاق وارلیغینا اینانمایان آتئیسته -

قولاق آسیب کندین پاییز نغمه‌سینه،

اولانلاری سئیر ائتمک دوشر یالنیز بئله‌سینه!

***

نویابر گونون‌ده، یالنیز چیلپاق آغاجلار

کولک‌دن قورونا بیلرکه‌ن،

قالان هر نه وارسا، تیتریرکه‌ن.

شوشه‌لری باتان گونشی

و کور ایلاهه‌نین،

پاپیروس کؤتوکلریله دولو اولان ترزی‌سینه دوغرو

دستیله اوچوشان گؤیرچینلری سلاملایان قسرین

سوتونلاری آراسین‌دا آستا-آستا دولاشیرام.

قدیم ساعت واختی دقیق گؤستریر.

سولار جوشور و پارکین اوزرین‌ده‌کی بولودلار،

نه ائتمه‌لی اولدوقلارینی بیلمه‌دن،

گونشه یول وئریر، سهوه‌ن...

***

تشکر ائتمه‌یه گئجیکدیک بیر آز،

هر شئیه - ندن کی، هدییه اولماز.

سیزلردن بیرینه، بیر گون، کیمه‌سه،

ایلک دفعه‌کی کیمی یئنه گولوم‌سه.

اؤت‌ن محبت ده قاییدار یئنه،

اما اوولکیتک گولمز اوزونه.

تانیش کوچه‌لردن کئچیب گئدرکه‌ن

"الوی‌دا، الوی‌دا"، - سؤیلییرم من.

آینالار تیترشیر باشیمین اوست‌ده،

اوجالیر اوزاق‌دان گلن بو سس ده،

سؤنور کئچیدلرده یانان ایشیقلار.

الوی‌دا، ای عشقیم، زنگ ائت، خاطیرلا!

ائل‌جه بیر دفعه دؤن همین یئره،

قیییب گؤزلرینی باخ بو ائولره:

اونلارین یانین‌دان گؤر نئچه ایلدیر

بؤیوک بیر ایزدیهام شوتویوب گئدیر...