یوخاری

دئيیرلر: اینجه‌لیک، سئوگی گؤزللیکلردن آيرێلماز... - شعر

آنا صحیفه ادبیات
12 Punto 14 Punto 16 Punto 18 Punto

کولت. آذ اوخوجولارینا داها بیر پوئزییا نومونه‌سینی تقدیم ائدیر:

درین سئوگیيله يوْغرۇلمۇشدۇ کؤنلۆم، اسکی چاغلاردا،
سانێردێم وار دیلکلر بوْل، اۇمۇتلار چوْخ اۇزاقلاردا.
سئویشمیش، سئوگیلر آنلاتمێشێيدێق، قالدێ داغلاردا.
دئيیرلر: اینجه‌لیک، سئوگی گؤزللیکلردن آيرێلماز،
گؤزللیکلر ده بیر بؤيله اؤزللیکلردن آيرێلماز.

*
بیر آخشام گۆن باتارکن اوْردا بیز بوْل بوْل سئویشمیشدیک،
دئمیشدین "وار گۆونلیکلر و سن شâد اوْل" سئویشمیشدیک،
دئمیشدیم کؤنلۆم اؤزلر، گل، آخێب وار دوْل، سئویشمیشدیک،
و گؤردۆک اؤزگۆر اوْلمۇشلار سئویشمکلردن آيرێلماز،
گؤزللیک چاغرێشان کؤنلۆم، سئون دیلبردن آيرێلماز.

*
ياشام بیر يوْلجۇلۇقدۇر، يوْلدۇ، يوْللار چاغرێسێندان بیز،
يۆرۆرکن يوْللارێن باغرێندا بوْل بوْل بیز بۇراخدێق ایز،
چؤزۆلمز قالدێ يالنێز کؤکلۆ بیر وارلێق قدیم بیر گیز،
دۆشۆندۆک ياخشێدێر، آرتێق بۇ گیز بیزلردن آيرێلماز،
و يوْرقۇنلۇق اوْلار بیر آرخاداش دیزلردن آيرێلماز.

*
اؤپۆشمک دۇيقۇمۇزدان خوْشلانێرکن آخدێ اۇلدۇزلار،
اوْ آيدێنلێقدا آي مۇتلۇيدۇ، بوْل پارلاقدێ اۇلدۇزلار.
و گؤردۆک سئوگیلر گؤندردی گؤيدن باخدێ اۇلدۇزلار.
کؤنۆللر سئوگیسیز اوْلماز، آخان دۆشلردن آيرێلماز،
و اردم بیلمیش اوْل سايقێن، گؤزل ایشلردن آيرێلماز.

*
دیلین باغرێندا وار دۆشلر، دریلمیش، گؤستریلمیشدیر،
دئيیر بیر بیلگه‌لیک واردێر، اریلمیش گؤستریلمیشدیر،
اۇزاي باغرێندا وارلێقلار سریلمیش گؤستریلمیشدیر،
دۆشۆنمۆش بیر بئيین گئرچک بۇ وارلێقلاردان آيرێلماز،
بۇ يۆکسکلیک ازل گۆندن بیریکمیش قاردان آيرێلماز.

*
ياشام فۆرصتدی ذؤوق آلماق گرک بوْل بوْل گؤزللیکدن،
باخێب گؤزلمله گؤر، آيدێنلانێب شâد اوْل گؤزللیکدن.
دئيیل داغلاردا، هم کؤکسۆنده واردێر يوْل گؤزللیکدن،
ازلدن بؤيله اوْلمۇشدۇر، امک اللردن آيرێلماز.
اۇمۇت چاغرێشدێران سسلر، سئون دیللردن آيرێلماز.

*
ياشێللێقلاردا قۇشلار سؤيله‌يرکن ماهنێ دۇي، زؤوق آل!
درین دۆشلرله يوْغرۇل سن، گؤزللیکلرله دوْغرۇل، قال!
گؤزل قێز، مرهه‌مت گؤستر، شیرین سؤزلرله پايلاش بال.
ياناقلاردان گؤزللیکلر، دوْداقلاردان بال آيرێلماز،
دئمیشلر بیلگه‌لر، بیلدیک، سئونلردن هال آيرێلماز.

*
گؤزللیکلرله قۇرتۇلمۇش اوْلار اینسان دۆشۆشلردن،
گؤزل گؤرمکله ممنۇنلۇق دۇيار هر کس گؤرۆشلردن.
گؤزللیک چاغرێشان دۆشلر، گؤزل هر تۆرلۆ ایشلردن،
گؤزل گؤرمکله يۆکسلمیش و ارمیش، گؤزلر آيرێلماز،
بۇ بیر گرچکدی اۇسدان بیلگی، دیلدن سؤزلر آيرێلماز.

*
بۇ اؤمرۆن يوْللارێندان من کئچئرکن دۇي، نلر گؤرۆم؟
قارانلێقلاردا بۇرخۇلمۇش، آچێلماز چوْخ سهر گؤردۆم.
و من تام واردێغێم آنلاردا چؤکمۆش زیروه‌لر گؤردۆم.
دۆشۆنمک بیلگه‌لیکلردن، يالان ایماندان آيرێلماز،
قنیيمت يئيله‌ين بیر دین، ملیکدن، خاندان آيرێلماز.

*
اگر بیر يئرده گؤرسن ايریلیک واردێرسا، دین واردێر،
اوت وار، زوْربالێق بوْل وار و خێرسێزلێق يقین واردێر.
بارێش يوْخدۇر، يارێش يوْخدۇر وئ يالنێز اوْردا کین واردێر.
ازلدن بؤيله اوْلمۇشدۇر کی، دیندن اؤفکه آيرێلماز،
ایشێق واردێرسا اشيâدان، آغاجدان کؤلگه آيرێلماز.

*
و چؤملکلرله اؤزگۆرلۆک شرâبێندان ایچن يوْلچۇ،
بؤيۆک يۆکسلمه ایسترکن، دنیزلردن کئچن يوْلچۇ.
قارانلێق چاغدا هۆرر اوْلماق و آيدێنلێق سئچن يوْلچۇ.
بۇ سس آرتێق زامانلاردان، اۇزاق چاغلاردان آيرێلماز،
اؤلنلر گئتمیش اوْلسۇنلار، قالان ساغلاردان آيرێلماز.

*
بئيین بیلگیيله يوْغرۇلمۇشسا، آيدێنلێق دیلر اینسان،
چالێشقانلێقلا، دۇرمازکن و هر آن يۆکسه‌لر اینسان،
اوت، بیلگیيله يالنێز برک قارانلێقلار دلر اینسان،
باهار فسلینده خارماندان گؤيرچین، سرچه آيرێلماز،
اوْجاقدان کؤز، آغێزدان داد، قازاندان چؤمچه آيرێلماز.

*
هۆزۆن تبلîغ ائدنلردن اۇزاق دۇرسان سئوینجین بوْل،
بۇلۇنماز آغلاماقلاردان، بۇلۇنماز، بیلمیش اوْل، بیر يوْل،
زامانلاردێر سن آغلارسان، بیر آزجێق يۆکسه‌لیب فرد اوْل!
گؤزللیک، بیلگه‌لیک، اردم دۆشۆنمۆش باشدان آيرێلماز،
دئيیل يالنێز امک، اکمک، چؤرک بوْزباشدان آيرێلماز.

*
چێخێب داغلاردا دۆشلر قۇر، سئوین بوْل ماهنێلار سؤيله!
قوْنۇش وارلێقلا، اوْل يوْلداش، گؤزللیک اینجه‌لیک يئيله!
و هايقێر دۇيسۇن اینسانلار کی، اؤزگۆرلۆک اوْلۇر بؤيله:
اسنلیکلر، اۇمۇتلار بوْل سئوینمیش اۆزدن آيرێلماز،
قارانلێق تۆندن، آد اۆندن، ایشێق گۆندۆزدن آيرێلماز.
*
سن ائي داغلار باشێندان بوْيلانان گۆن، سايقێلار بیزدن،
مۇغان´دان، اردبیل´دن، اۇرمۇ´دان، سالماس و تبریز´دن،
آچێقلارسان، اۇزاي باغرێندا گیزلنمیش اوْلان گیزدن،
کی، وارلێق بیلگیسیندن اۇس، گؤزللیکدن گؤز آيرێلماز،
ازلدندیر کؤنۆلدن سئوگیلر، دیلدن سؤز آيرێلماز.
*
دۆشۆنمکسیز گلیشمز اۇس، اوْلۇشماز دیلده قاوراملار،
سؤنۆب تینسیزلشر سؤزلر، دوْلۇشماز دیلده قاوراملار،
نه دۆش اوْلقۇنلاشار دوْغرۇ، بۇلۇشماز دیلده قاوراملار،
دئمیشلر بیلگه‌لر چوْخدان، بۇ ائورن اۇسدان آيرێلماز،
امک، اؤلچۆم، بؤيۆک اردم، شرف نâمۇسدان آيرێلماز.
*
سنین سئوگینله ایللردیر، دریندن يوْغرۇلۇب کؤنلۆم،
گؤزللیکلرله يوْلداشلێق ائدیبدیر، دوْغرۇلۇب کؤنلۆم،
کئچیبدیر چوْخ قارانلێقلاردان آيدێنلێق اوْلۇب کؤنلۆم،
ایشێقلانمێش کؤنۆللردن گؤزللیک، سئوگی آيرێلماز،
دۆشۆنمکدن و اوْلقۇن بیلگه‌لیکدن سئزگی آيرێلماز.
*
گؤزللیک، چاغرێشار بیر ياندا سؤيلر دۇي، باهار گلمیش،
و داغلار زیروه‌سیندن قار جوْشۇب، چايلار آخار گلمیش،
گۆنش ائرتن دوْغارکن بوْل گۆلۆمسر، بختیيار گلمیش.
دۆشۆندۆم بختیيارلێق بیلگه اینسانلاردان آيرێلماز،
سئویشمک اؤيله بیر دۆشدۆر، کؤنۆلدن جاندان آيرێلماز.
*
اینانماق يئيله‌میشلر بیلگیسیزلر، دۇرقۇن اینسانلار،
و يالنێز بیلگی اردمدیر، دئمیشلر اوْلقۇن اینسانلار،
و بیر ماهنێيلا دینجلمیش، يوْرۇلمۇش يوْرقۇن اینسانلار.
وارێلمێش بیر هدف واردێرسا، لذذت اوْندان آيرێلماز،
اۇغۇرلاردان اؤدۆللر، يۆکسه‌لیش ایمکاندان آيرێلماز.
*
سیز ائي يۆکسکلیک، اردم چاغرێشان داغلار اسنلیکلر!
و داغلار زیروه‌سیندن بوْيلانان آغلار اسنلیکلر!
قارانلێقلار کئچیب آيدێنلانان چاغلار اسنلیکلر!
اسنلیکلر و يۆکسلمک، گزن دۆشلردن آيرێلماز،
دۆشۆنمک، آلقێ، آيدێنلێق، سئزن دۆشلردن آيرێلماز.

تاریخ
2020.05.29 / 10:36
مولف
Axar.az
شرح لر
دیگر خبرلر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

خبر خطّی
Axar.az'da reklam Bağla
Reklam
Bize yazin Bağla