Kult.az آذربایجان‌لی دراماتورق، شاعر و ناصر، تئاترشوناس، کینوشوناس، ترجمه‌چی، کینوسناریست، ژورنالیست، آکتیور، رژیسسور، امکدار اینجه صنعت خادمی "آنا" شعرینی تقدیم ائدیر:

اگر بوتون بشریت عدووی-جانیم اولا
اورک سقوط ائیلمز آلدیغی متانت‌دن.
ریجاعو خوفه مکان وئرمره‌م، گر عالیملر
مین ایل ده وعظ ائد‌لر دهشتی-قیامت‌دن.
پلنگلر توتا دؤوروم،چکینمره‌م اصلا،
و یا کی، وعد ائد‌لر دؤولتی-جهانی منه
کی، بیر کسه باش اییب ایجزیمی بیان ائلییم،
اییلمره‌م نه کی یئر، وئرسه‌لر سمانی منه.
یانیم‌دا گر دورا جللاد الین‌ده شمشیری،
اؤلوم گوجویله منه حکم ائده-اولوم تسلیم،
اییلمره‌م یئنه هاشا.

اؤلوم ندیر کی، اونون
گوجویله خالقا حقیرانه ائیلییم تعظیم؟!
جاهان‌دا یوخ ائله بیر قوه باش اییم اونا من،
فقط نه گوج‌لو، ضعیف بیر ووجود وار، یاهو،
کی، حازضیرام ییخیلیب خاکی-پایینه هر گون
اؤپوم آیاغینی ایجز ایله.
کیم‌دیر او؟ ندیر او؟ آنا!
آنا!..او آدین قارشی‌سین‌دا بیر قول تک
همیشه سجده‌ده اولماق منه فخارت‌دیر؛
اونون الیله بلا بهرینه یووارلانسام
یئنه خیال ائدره‌م بزمی-استراحت‌دیر.
اس، ای کولک، باغیر، ای بهری-بیامان، لپه‌له‌ن!
آتیل جاهانا سن، ای ایلدیریم، آلیش، پارلا!
گورول‌دا، تاق-سماوی، گورول‌دا، چاتلا، داغیل!
سن، ای گونش، یاغیشین یاغدیر، ای بولود، آغلا!
بونلار منه اثر ائیلرمی؟ موطلقا یوخ، یوخ!
فقط آنا! او مقدس آدین قاباغین‌دا-
او پاک باغرینا باس‌سین منی، دئسین لای-لای،
تبسم اویناداراق تیتره‌یه‌ن دوداغین‌دا.
بوتون ووجودوم اثر،روحوم ائیلیر پرواز،
اوچار سمالارا او عالمی-خیالت‌ده.
یاتار، اؤلر بد‌نیم،نیطق‌دن دوشر بیر سؤز:
-آنا...آنا...سنه من راهیبه‌م اطاعت‌ده!