اینتیحار خبرلرینی اوخویاندا، ائشیدنده بیلیرسیز همیشه نه فیکیرلشمیشم؟! کئشکه او آدامی تانییایدیم: دانیشاردیم، فیکریندن داشیندیراردیم، جانینا قییماغا قویمازدیم... یالواراردیم، دئیردیم، پروبلمین هر ندیرسه، گل بیرلیکده چؤزک، چیخیش یولو آختاراق، مطلق بیر یول بولاریق، یئتر کی، اؤلمه، اؤزونو اؤلدورمه.

ایندی سن ایشه باخ کی، بیر آددیملیغیمدا اینتیحار باش وئریب، فرقینده اولمامیشام…

اؤزومو گوناهکار ساییرام، مؤولود، بوتون دونیانی گناهکار ساییرام…

کئشکه، بونو ائتمییدین… کئشکه، دؤزیدین… کؤمک ایستییدین…

واللاه دا، بیللاه دا، الینی بوراخمازدیق…

بوتون عائلن سنه دقتسیزلیک گؤستردی، گؤرمزلیکدن گلدیلر، قورور دویمالییکن سنین کیمی بیر اوغولو تالعیین ایختیارینا بوراخدیلار… سنی اؤلدوردولر!

سنی اینتیحارا سوروکله‌یه‌ن هر شئیه، هر کسه، منتالیتته، معیشته، حیکه‌یه، منم-منم‌لییه، دیک باشلیغا… نیفرت ائدیره‌م!

کئشکه سن ساغ اولایدین ایندی، یانیمیزدا اولایدین، کوریدورون باشیندان سسین گلیدی، زارافاتلارینا گولوشن قیزلارین سسی گلی دی…