یوخاری

آنا یاسانین ۱۵ اینجی اصلینه فرقیلی باخیش

آنا صحیفه یازارلار
12 Punto 14 Punto 16 Punto 18 Punto

۱۵ اینجی اصل ساده جه و ساده جه تورک دیلینه قارشی آنا یاسادا یئرلشدیریلیبدی. ایراندا ایکی گرچک و باغیمسز دیل وار. عرب و تورک دیلی. عربجه نین وجودو ۱۶ اینجی اصله دایاناراق اسلام و قرآن دیلی کیمی تانینیب و رسمی ائیتیمی گرکلی ساییلیب.

فارسی آدلانان دیل ، دیلچیلیک بیلیمی باخیمیندان باغیمسیز بیر دیل اولمادیغی و سوزلرینین 80 فاییزی عرب ،تورک ولاتین دیل لریندن آلیندیقینا رغما اؤلکه نین تکجه قوندارما رسمی دیلی کیمی یئر آلیب.باشقا دیللر باغیمسیز دیل دئییل دری ناقص قوندارما دیلینین لهجه لری سیراسیندادیلار. بو اوزدن ۱۵ اینجی اصلین اجراسینی هایکیرانلار بیرداها اوتوروب اونو دیقتله اینجه له ییب گورمه لی دیلر کی تورک دیلینه آنا یاسادا یئر یوخدو. ایراندا بیر رسمی بیرده اسلام دیلی وار. باشقا دیللر بؤلگه سل دیللر حدینه دوشورولوب لر کی اونلارین اویغولانماسینا قانونی باخیمنان حکومتین گرکلی گؤره وی یوخدو.آنجاق بو اصلی آنا یاسادا یئرلشدیرمک تورک دیلینی دانیب، آرادان قالدیریب، یوخ ائدیب، اونون یئرینه قوندارما فارس دیلینه ؟!

رسمی یئر وئرمک دئمک دیر.مشروطه آنایاساسیندا دیل کونوسونا توخونولمامیشدی.بو اوزدن کیمسه فارسجانین رسمی و میللی دیل اولوب و باشقا دیللرین غیررسمی اولماسی کیمی کونولاردا تارتیشا بیلمزدی.اسلامی دئوریمدن سونرا ۱۳۵۸ اینجی ایلده آنا یاسانی حاضیرلاماق پروسه سینده بوآنتی تورک اصل یئرلرشدیریلیب رفراندوما سونولدو. آنجاق دیلیمیزین یازیلیب ،اوخونماسی، رسمی اولماسی و رسمی دولت ائیتیم، اؤیرتیم سیستمینه گیرمه سینین یولو ۱۵ اینجی اصلین اجراسیلا دئییل تام ترسینه یانلیزاونو آرادان قالدیریب یا اصلاح ائتمه سیله اولابیلر.بو ماده ده ایرانین رسمی واورتاق دیلی فارسجادیر.سندلر ، یازیشمالار و درس کتابلاری بو دیلده اولمالیدیر.

آما اوننان یاناشی بولگه سل دیللرین باسینلاردا کوللانیلماسی وادبیاتینین ائیتیمی اؤزگوردو. بورادا فارس دیلی"رسمی واورتاق"دیل آدلاندیریلیب آما هر یئرده ملی دیل کیمی میداندا آتینی چاپیر.نه یازیق کی بو اونملی واینجه مساله یانی "رسمی واورتاق" مفهومو میللی سوزو ایله ائشید توتولور و توپلومدا حتی اوزمانلار طرفیندن فرقلندیریلمیر. بو اصل اساسیندا تورک دیلی هیچ زامان رسمی اولاماز.بو دیلده رسمی ائیتیم آلیناماز ،سوزده اویرنیلمه سینه مانع یوخدوآما عمل یاساقدیر. ائیتیمینه دولتین گؤره وی یوخو.گؤرونور کی بو اصل تورک خالقینین کیملیک سیمگه سینی یانی دیلینین یوخ ائتمه سینی قانونلاشدیراراق هر طورلو تارتیشما وانتقاد یولونو کاپادیب.بیز بو اصلین اجراسینی دئییل بلکه آنا یاسانین ۱۷۷ اینجی اصلینه دایاناراق اونون حذف یا اصلاح اولونماسینی ایسته مه لی ییک. بو ماده وحی دئییل کی توخونولمایا بلکه تام ترسینه بوتون اخلاقی وانسانی و بشر حاقلاری کوراللارینا هایکیری دیر. بو اصلی قبول ائدیب اونون اجراسینی ایسته مک ، فارس دیلینین رسمی لیگی و تورک دیلینین غیر رسمی وغیر ملی و بولگه سل اولماسینین اقراری دئمک دیر. انسانی کرامت وشرافتیمیزی بیر قره پارایا ساتماق دئمک دیر. ان دوغال وانسانی حاققیمیزین بیر کیچیک بؤلومونو یالوارماقلا فارس شوونیستیندن دیلنمک آنلامیندادیر.حاق، منت ویالوارماقلا دئییل ،منطق وحقوق وشرع کوراللارینا دایاناراق ،گوج واراده ایله آلینار.۱۵ اینجی اصله گووه نیب، دیل حاققیمیزی بو سئویه یه ائندیرمک مطلق یانلیشلیقدیر.

تاریخ
2019.02.10 / 15:45
مولف
سلیمان باری
شرح لر
دیگر خبرلر

پزشکیان علیئوله هانسی دیلده دانیشاجاق؟

تورکلره آتش آچمادیغینا گؤره گوله‌لنه‌ن ۲۰۰ عسگر

پرزیدنت سئچکیلری: رئیسینین یئرینه کیم گله‌جک؟

گونئی‌لی پداگوگ باغچه‌بان دوغوم گونودور

قادین گولرسه...

نه آغلارسان، نه سیزلارسان، بیر دردی بئش اولان کؤنلوم...

تبریز دلیلری بیزی اؤزباشینا بوراخدی... – تبریزلی یازار

تبریزلیلره آچیق مکتوب: او کیشی کیمدیر؟

هیمنیمیزه غضبیمیز واردی، میزیلدانیردیق…

ارمنی تعصبو چکه‌ن «بایقوش» آذربایجانلیلار

خبر خطّی
Axar.az'da reklam Bağla
Reklam
Bize yazin Bağla