قادین یارانیشین، دونیانین باشلانغیجیدیر سئوگی، قیزلیق، آنالیق، ننه‌لیک، آروادلیق بیر قادینین دونیا اوزونده یاراتمیش آیری-آیری دونیالاردی...

گؤزللیک قادیندادیر، سئوگی قادین‌سیز آنلامسیزدیر، محبت، دویغو، وفا و جاندان کئچمک باشقلارینین یاخجی یاشاماغی اوچون
و هرنه قدر بؤیوک اینسانلار قهرمانلار دونیایا گلیب و گلیر بونلاری دوغان کیمدیر!؟ قادین
قادین بیر قوش کیمیندیر قفس ده اولورسا قوشلوق و اوچماق دونیاسی آرادان گئدیر
آما قوش آزاد اولورسا آزادلیغی گؤستریر یاشادیر
بونو بیلمه‌لی‌‌ییک کی قادین کیشی گؤرن ایشلرین هامیسین گؤره بیلیر آما کیشی یالنیز کیشی قالیر...
قادین هم کیشی دیر هم قادین
اینسانلارین هرنه جینسیتده یاشدا اوشاقدان توتدو قوجایا کیمین هامیسی بیر یئرده قادیندا وار
بئله بیر یارانمیشین توکلری گؤرسنمک اونو کیچلدرمی؟
بئله بیر یارانمیش لاییقدیر کیشی‌نین اوچدن بیری حاقلارا مالیک اولا؟
بئله بیر یارانمیش کی دونیانی اینسانلیقی یاشاماغی تمدنی یارادیب و قورویور قورونماغا گرکلیدیر؟
نئجه بیزه دؤشوندن جانین قانین اَمدیرنده بیز اونو قوروموردوق
نئجه او بیزی قارنیندا بسله‌ییب جانین یئدیردنده بیزه اونو قوروموردوق
ایندیسیه اونون قولون-قیچین توکون قوروماغا اؤزوموزه ایزن وئریریک؟
قادین‌لاری بمب‌لارلا-سیلاح‌لارلا یوخ بیز قادین‌لاری قوروماق اونلارا سیخینتی یارادماقلا اونلاری کیچیتمکله اونلاری اؤلدوروب و سویقیریم(نسل کشی) ائدیریک...

سیخینتیدا ایشکنجه ده دوستاقدا یاشایان قادین نئجه فیلسوف‌لار، قهرمانلار بئجردسین!
سیخینتیدا و قوروماق آلتیندا یاشایان قادین کؤله، فیکیرسیز و جاهیل اینسانلاری اؤتوره‌جک توپلوما
بیزیم آزادلیقیمیزی قادین یارادا بیلر
یالنیز یولوموز آزادلیقا قادینین گوجلو، سئوینجلی، آزادجاسینا یاشامیندان اله گلر.
بونا گؤره کی اومودلو،گوجلو و آزاد قادین
اومودلو گوجلو و آزادلیق دوشونن بالالار یئکلده‌جک
قادین‌لاری یالنیش دوشونجه‌لرینن سویقیریم ائدنلر
قادینی کیچیلدیب آلچالدیب حاققین پوزانلار
بیلمه‌لی‌دیرلر کی، توپلومو وطنی و میللتی سویقیریم ائدیرلر
بیزیم قادینیمیز ستارخانلا یان یانا دؤیوشوب
بیزیم قادینیمیز زینب پاشا، نیگار، سارای، آناتومروس اولموش
خاتین‌لاریمیز اؤلکه باشجیسی اولموشلار
قوشون اؤندَرلیگی اولموشلار
آت مینیب قیلینج گزدیریب توپراق قورویوب بیزیم قادین‌لار
گؤر ندیر بیزیم قادین: خان+یم
خانیم منیم خانیم
قادین یانی خان قادین یانی خاتین یانی آنا یانی ننه
بونون توکو باشی قیچی-قولونو قوروماق و قارا دوشونجه‌ ایله اونو سیخماق

وطنی ؤلدورمک دییلمی؟؟!!